Friday, November 27, 2020
Fokus

Nënkryetarja e Kuvendit, Nagavci: Qeveria jo legjitime Hoti në aksion

Nënkryetarja e Kuvendit të Kosovës nga radhët e Lëvizjes Vetëvendosje Arbërie Nagavci ka adresuar kritika të ashpra ndaj Qeverisë Hoti, pas skandaleve në Thesarin e shtetit dhe Agjencinë e Ushqimit dhe Veterinës, e cila sipas saj po vazhdon edhe me tenderët e ministrit të Brendshëm Agim Veliu.

Ajo në një postim në Facebook ka shkruar se Agim Veliu, nënkryetari dhe një nga figurat më të rëndësishme të LDK-së, ka nënshkruar një tender të negociuar me çmim trefish më të shtrenjtë, kontrata e të cilit ka qenë subjekt i hetimeve të Task-Forcës Antikorrupsion të shuar me vendim të Qeverisë Hoti.

“Vetëm disa nga titujt e ditëve të fundit, pasi zoti Hoti na e tregoi frazën e njohur “Nuk keni parë gjë akoma”. Avullohen më shumë se dy milionë euro nga Thesari i shtetit. Vidhet arka më shumë se 300 kg nga AVUK-u. Tenderi i Veliut më shumë se trefishi i çmimit të rregullt. Por nga këta që vodhën vullnetin e qytetarëve as që mund të pritet ndryshe. Hajdutçe e morët pushtetin, hajdutëria dëshmohet qëllimi”, ka shkruar Nagavci.

Ndryshe, kryeministri Avdullah Hoti, gjatë një konference për media javën e kaluar ka folur për veprimet e qeverisë së tij gjatë këtyre katër muajve të funksionimit. Hoti gjatë kësaj konference u zotua disa herë se do ta kthejë ligjshmërinë, duke thënë “nuk keni pa gjë akoma”.

Postimi i plotë:

Qeveria jo legjitime Hoti në aksion

Agim Veliu, nënkryetari dhe një nga figurat më të rëndësishme të LDK-së, Ministri i punëve të brendshme paska nënshkruar një tender të negociuar me çmim trefish më të shtrenjtë. Raportohet se kjo kontratë është subjekt i hetimeve të Task-Forcës Antikorrupsion të shuar me vendim të Qeverisë Hoti, ku në votim ka marrë pjesë edhe vetë ministri Veliu.

Vetëm disa nga titujt e ditëve të fundit, pasi zt. Hoti na e tregoi frazën e njohur “ Nuk keni parë gjë akoma”
-Avullohen më shumë se sy milion euro nga Thesari i shtetit.
-Vidhet arka më shumë se 300 kg nga AVUK-u.
-Tenderi i Veliut më shumë se trefishi i çmimit të rregullt.

Por nga këta që vodhën vullnetin e qytetarëve as që mund të pritet ndryshe.
Hajdutçe e morët pushtetin, hajdutëria dëshmohet qëllimi.

​“Nuk keni pa gjë akoma”, Nagavci-Hotit: Hajdutçe e morët pushtetin, hajdutëria dëshmohet qëllimi.

Similar Posts

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close