Ultimate magazine theme for WordPress.

Shkon në pesë numri i të vrarëve në sulmin e Vjenës

Autoritetet austriake njoftuan të martën se pesë persona kanë vdekur deri më tani nga sulmi që u krye në mbrëmjen e së hënës në Vjenë, përfshirë njërin nga sulmuesit.

Ministri i Punëve të Brendshme, Karl Nehammer, tha se dy burra dhe dy gra kanë vdekur nga plagët në sulmin e së hënës në mbrëmje. Një sulmues i dyshuar, i cili mbante në dorë një pushkë dhe një jelek të rremë për vetëvrasje, është qëlluar për vdekje nga policia.

Në një konferencë për gazetarë herët në mëngjes, ky ministër e përsëriti thirrjen që njerëzit të mos qëndrojnë në rrugë, shkruan Reuters, transmeton Gazeta Express.

Nehammer tha se policia e ka qëlluar për vdekje njërin nga sulmuesit, i cili në trup kishte një jelek të rremë shpërthyes. Autoritetet më vonë e identifikuan sulmuesin si përkrahës të Shtetit Islamik.

Policia konfirmoi të martën se tre civilë – dy burra dhe një grua – u vranë në sulm, ndërsa së paku 15 të tjerë janë plagosur, përfshirë një polic. Televizioni ORF më vonë raportoi se ka vdekur edhe një grua.

Agjencia APA ka raportuar se shtatë nga të plagosurit janë në rrezik për jetën, ndërsa një zëdhënës i policisë tha se janë kërkuar përforcime nga shtetet fqinje dhe se së paku 1.000 policë janë të përfshirë në operacionin e kërkimit për autorët e sulmit.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close