Ultimate magazine theme for WordPress.

Rama: Thaçi e ka mbështetjen e Shqipërisë në këtë betejë

Kryeministri i Shqipërisë, Edi Rama ka thënë se Hashim Thaçi e ka mbështetjen e Shqipërisë, pasi ndaj këtij të fundit, Dhomat e Specializuara në Hagë konfirmuan aktakuzën për krime lufte dhe krime kundër njerëzimit.

“Procesi absurd ndaj tij do të vulosë përfundimisht pastërtinë e UÇK-së dhe pamundësinë për ta rishkruar historinë e saj”, shkruan Rama në Twitter.

Më 5 nëntor, Hashim Thaçi njoftoi se Dhomat e Specializuara kanë konfirmuar aktakuzën ndaj tij për krime lufte. Ai në një konferencë për media, njoftoi për dorëheqjen nga posti i presidentit të Republikës së Kosovës.

Dhomat e Specializuara në Hagë të enjten kanë konfirmuar aktakuzën edhe ndaj kryetarit të Partisë Demokratike të Kosovës, Kadri Veseli.

Të mërkurën edhe ish-kryetarit të Kuvendit të Kosovës, Jakup Krasniqi dhe shefit të Grupit Parlamentar të Lëvizjes Vetëvendosje, Rexhep Selimi iu është konfirmuara aktakuza dhe tashmë janë transferuar në Hagë.

Prokuroria e Specializuar në Hagë heton krimet e pretenduara të pjesëtarëve të ish-Ushtrisë Çlirimtare të Kosovës, të kryera kundër pakicave etnike dhe rivalëve politikë që nga janari i vitit 1998 e deri në dhjetor të vitit 2000. Këto krime të pretenduara përmenden në një raport të Këshillit të Evropës, të vitit 2011, autor i të cilit është senatori zviceran, Dick Marty.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close