Ultimate magazine theme for WordPress.

Ndue Ukaj: Si katolik ndihem tmerrësisht i fyer nga aktakuza e Speciales

Shkrimtari dhe publicisti Ndue Ukaj ka reaguar pas ngritjes së aktakuzës ndaj krerëve të UÇK-së, duke thënë se si shqiptar katolik ndihet tmerrësisht i fyer dhe i ofenduar nga formulimet neveritëse të Gjykatës Speciale, në aktakuzën kundër krerëve të UÇK-së, katolikët paraqiten si grup i veçantë.

Ai në një reagim në Facebook, ka shkruar se një tendencë e tillë qartësisht ka prapavijë të rrezikshme politike sepse të gjithë e dinë se shqiptarët kështu dëshiron t’i paraqes vetëm Serbia.

Reagimi i plotë i Ukajt:

Si shqiptar katolik dhe si qytetar i këtij vendi ndiehem tmerrësisht i fyer dhe i ofenduar nga formulimet neveritëse të Gjykatës Speciale, në aktakuzën e së cilës kundër krerëve të UÇK-së, katolikët paraqiten si grup i veçantë, bashkë me serbët, ashkalinjët e romët.

Një formulim i tillë është i marrë, puro politik dhe përbën një mega skandal, prandaj edhe duhet t’a shqetësojë secilin shqiptar, e veçanërisht shqiptarët katolikë.

E vërteta është se shqiptarët – katolikë, myslimanë, protestanë dhe të pafe – së bashku kanë zhvilluar luftë për liri, pavarësi dhe demokraci, në atdheun e tyre autokton, ku janë shtypur e vrarë nga regjimi barbar i Serbisë.

Një tendencë e tillë qartësisht ka prapavijë të rrezikshme politike.

Sepse ne të gjithë e dimë se shqiptarët kështu dëshiron t’i paraqes vetëm Serbia.

Një pretendim i tillë është ahistorik, jo etik dhe më së paku ka të bëjë me drejtësi. Prandaj, asnjë shqiptar nuk duhet ta gëlltit këtë intrigë të rrezikshme.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close