Friday, November 27, 2020
Fokus

Sali Berisha : Ja pse e votova raportin e Dick Marty-it

Ditën e sotme ka pasur replika në distancë, ku kryeministri Edi Rama pyeti edhe Sali Berishën pse e votoi raportin e Dick Marty për luftën e UÇK. Ish-kryeministri ka zgjedhur ti përgjigjet publikisht në lidhjen Skype, në News24. Berisha tha se hetimi ishte kërkuar nga udhëheqja e Kosovës, SHBA, BE dhe të gjithë partnerët dhe se kundërshtimi i këtij hetimi do të thoshte marrje përsipër e fajësisë.

“Mos i qeshtë buza tradhtarit të kombit, argatit të Beogradit. Ajo rezolutë kërkonte hetim dhe hetimi është kërkuar nga vetë udhëheqja politike e Kosovës. I them këtij tradhtari se hetimi është kërkuar nga SHBA, BE, të gjithë partnerët dhe kundërshtimi i hetimit do të thotë marrje përsipër e fajësisë, në ato kushte. Do të ishte hetimi që do të provonte pafajësinë. Mbi bazën e rezolutës për hetimin, Kosova ka votuar në parlament ligjin për gjykatën. BE ka rënë dakord me Kosovën për ngritjen e gjykatës së Kosovës në Hagë. I them vasalit të Vuçiç, tradhtarit që donte të ndante Kosovën dhe që po fal detin në Greqi, mos i qeshtë buza, se ka buzë të ngrirë. Gjatë qeverisë së tij dhe gjatë qeverisë sime, në Shqipëri janë zhvilluar hetime intensive. Është një marrëveshje në parlamentin shqiptar për të lehtësuar cdo hetim, së pari në asnjë rast nuk më shkon ndërmend të marr në mbrojtje krime lufte. Unë jam i vetmi shqiptar që e kam denoncuar raportine Dick Marty në OKB, e kam denoncuar atë në çdo samit, por s’i jam kundërvënë një kërkese të vendosur ndërkombëtarisht për hetimin e raportit”, tha Berisha.

Në c’pozita e shihni sot Hashim Thaçin?
Unë cdo të akuzuar e quaj të pafajshëm, derisa të provohet akuza. Uroj me gjithë zemër më të mirën për zotërinjtë, të cilët ndodhen sot në Gjykatën e Hagës, dhe në besimin tim, pa një motiv të qartë të arrestuar, sepse mund të ndiqeshin secili në gjendje të lirë, pasi asnjëri nuk do të arratisej askund, nuk dua të ngatërroj qëndrimin tim politik, që nuk i heq asnjë presje, me qëndrimin ndaj akuzave, pasi kam bindjen e thellë se as ai, dhe as bashkëpunëtorët e tij, nuk janë të implikuar.

Si mund t’i vijë në ndihmë Shqipëria Kosovës në këto kushte?
Mendoj se Shqipëria me Edi Ramën vetëm të këqija mund t’i sjellë Kosovës. Le të kthehen pas 8 vite ata që na dëgjojnë se cfarë ka bërë ai? Vetëm të këqija, përpjekje makbethiane për të ndarë Kosovën. Kosova nga Shqipëria këto 8 vite nuk ka marrë në drejtim të infrastrukturës qoftë dhe një qindarkë nga Edi Rama. Ka marrë luftën e ftohtë që shpalli Rama mes Tiranës dhe Prishtinës, njësoj si në kohën e qeverisjes nga Enver Hoxha. Kështu që jam i bindur se sa të jetë Edi Rama qëndrimi i vetëm që duhet kërkuar është “mos fut hundët në punët e Kosovës”.

Similar Posts

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close