Friday, November 27, 2020
Aktuale

Bislimi dyshon në vendim të drejtë të Kushtetueses lidhur me votën e Arifit

Nënkryetari i Lëvizjes Vetëvendosje, Besnik Bislimi ka ngritur dyshime për vendimin e mundshëm të Gjykatës Kushtetuese, lidhur me votën e deputetit Etem Arifi në zgjedhjen e Qeverisë Hoti.

Derisa kanë mbetur më pak se dy javë nga seanca publike e Kushtetueses për trajtimin e këtij rasti, Bislimi shprehet i bindur se kryeministri Avdullah Hoti është votuar në mënyrë jo kushtetuese, por thotë se vendimet e mëhershme të Gjykatës Kushtetuese kanë treguar sa “i pavarur” është organi më i lartë juridik në vend.

I dyti i partisë së Albin Kurtit në një intervistë për KosovaPress flet edhe për mundësinë tjetër të rrëzimit të Qeverisë Hoti, çështjen e zgjedhjes së presidentit të ri, si dhe organizmin e zgjedhjeve të reja.

Bislimi: Kushtetuesja duhet të konstatojë se është votim i dështuar

“Gjykata Kushtetuese me vet ‘spin’-at që po i bënë, po dalin disa deklarime publike ‘jo kanë marrë vendim’, ‘jo do të dalin shpejt (me vendim)’, këto janë matje të pulsit të opinionit. Kjo tregon se ata kanë alternativa dhe në bazë të pulsit vendosin cilin (vendim) të zgjedhin. Kjo veç me drejtësi nuk ka të bëjë. Ne e kemi thënë shumë haptazi se ne e kemi kontestuar votën e Etem Arifit që i bie se kur janë numëruar votat, Avdullah Hoti nuk ka pasur vota të mjaftueshme për t’u konsideruar si kryeministër i zgjedhur. Rrjedhimisht votimi për kryeministër ka dështuar dhe vendi duhet të shkojë në zgjedhje. Ne nuk kemi thënë ka pasur gabime procedurale, kthehuni edhe një herë votoni e nxirrni tjetër kandidat. Ne kemi thënë një votë është jo legale. Është votim i dështuar dhe pas votimit të dytë të dështuar, vendi shkon në zgjedhje. Këtë po themi ne, nuk po themi që lapsat nuk kanë qenë kualitativë, sistemi i votimit nuk ka funksionuar, hajde të votojmë edhe një herë. Është vetëm një votë që është diskutabile, ata duhet të na thonë kur numërohet vota ‘për’, a duhet të numërohet edhe kjo. Nëse kjo votë nuk duhet të numërohet. janë 60 vota. Avdullah Hoti nuk ka qenë kurrë kryeministër, pikë”, thotë ai.

Bislimi thotë se për ta rrëzuar Qeverinë Hoti nuk duhet të bindin askënd dhe për këtë thekson se nuk kanë nevojë të bisedojnë për mocionin e mosbesimit as me PDK-në, përderisa këta të fundit shprehen kritikë ndaj ekzekutivit.

Bislimi: Nëse PDK-ja mendon që kjo qeveri është e keqe, pse duhet të negociojmë

“Mocioni e ka vetëm një qëllim, ai e ka për qëllim rrëzimin e ‘qeverisë koti’. Mocioni as nuk synon t’i zgjidhë problemet e pandemisë, as nuk synon të zgjidhë koalicionet e ardhshme qeveritare, nuk e ka atë rol. Funksioni i vetëm është të rrëzojë këtë qeveri. Për rrëzimin e kësaj qeverie nuk duhet të bindim askënd. Madje, PDK-ja e kritikon më shumë se ne, pse duhet ne me u ulë të negociojmë. Nëse PDK-ja mendon që kjo qeveri është e keqe, pse duhet me u ulë të negociojmë a është e keqe, a nuk është. Negocimi është derë për të hyrë në pazare, mocioni nuk e ka këtë funksion. Ai që thotë që duhet me ulë të negociojmë është duke thënë ‘hajde të merremi vesh si përfitojmë nga mocioni’”, tha ai.

Për mundësitë e zgjedhjes së presidentit të ri, nënkryetari i LVV-së thotë se frika nga zgjedhjet do të bëjë që LDK-PDK-AAK-Nisma të provojnë deri në fund për të gjetur një zgjidhje për të mos shkuar tek sovrani.

Derisa jep disa numra të deputetëve që do t’i kenë partitë politike pas zgjedhjeve të reja, Bislimi thotë se në rrethanat aktuale të koalicionit qeverisës, fuqinë më të madhe negociuese e ka kryetari i AAK-së, Ramush Haradinaj.

Bislimi: Ramush Haradinaj e ka kuptuar momentin e vet, i ka në dorë partnerët qeverisës

“Në qoftë se numëruesi, jo emëruesi, po numëruesi është frika e përbashkët nga zgjedhjet mendojnë se këta do të provojnë deri në momentin e fundit për të gjetur një zgjidhje që iu ikë zgjedhjeve. […] 10:58 Fuqinë më të madhe negociuese e ka Ramush Haradinaj, ai i ka në dorë pak a shumë të gjithë liderët e tjerë, pasi në rast të shkuarjes në zgjedhje, ai dëmtohet shumë më pak se PDK e LDK. Për Haradinajn nuk çon shumë peshë nëse bien nga 9 në 6 apo 7 deputetë. Mirëpo LDK me ra nga 28 në 12-13 deputetë është katastrofë politike. Prandaj Ramush Haradinaj e ka kuptuar momentin e vet, e ka kuptuar se njërën anë i ka në dorë këta dhe në anën tjetër mos zgjedhja e tij si president është shkatërrimtare për AAK-në se më nuk i duhet askujt. Rrjedhimisht as elektorati nëse ai nuk është pjesë e legjislativit”, deklaroi ai.

Similar Posts

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close