VV në Podujevë: Veturat zyrtare në zgjedhje nuk kanë asnjë shenjë të KQZ-së

Vetëvendosje në Podujevë ka reaguar për shfrytëzimin e veturave të Ministrisë së Punëve të Brendshme në zgjedhjet që po mbahen në këtë komunë.

Nga VV i kanë reaguar sqarimit të kryetares së Komisionit Qendror Zgjedhor (KQZ), Valdete Daka, e cila ka thënë se veturat shfrytëzohen nga KQZ dhe se ato kanë llogon e këtij institucioni. Për çka Vetëvendosje dega në Podujevë thotë se kjo nuk është e vërtetë meqë siç theksojnë ata asnjë nga veturat nuk kanë asnjë shenjë të KQZ.

e prania e veturave qeveritare pa shenja të KQZ-së nga VV thonë se paraqet tendencë për manipulim të procesit zgjedhor.

“Në lidhje me reagimin e Kryetares së KQZ-së, znj. Valdete Daka. Si Lëvizje VETËVENDOSJE! kemi reaguar për keqpërdorimet me veturat e Ministrisë së Punëve të Brendshme (MPB). Ndërkohë, znj. Daka tha se ato janë marrë në shfrytëzim nga KQZ dhe se në to është logoja e KQZ-së. Kjo është tërësisht e pavërtetë. Asnjë nga këto vetura të cilat i kemi ilustruar edhe me fotografi nuk bartin asnjë shenjë apo identifikim të KQZ-së dhe si të tilla paraqesin keqpërdorim me veturat zyrtare dhe presion mbi votuesit. Kësisoj, prania e veturave qeveritare pa asnjë shenjë identifikimi të KQZ-së është tendencë për manipulim të procesit zgjedhor”, thuhet në reagimin e Vetëvendosjes në Podujevë.

Ndërkohë që ata thonë se, “Për aq kohë sa këto vetura janë me logo të MPB-së, për Lëvizjen VETËVENDOSJE! konsiderohen presion mbi votuesit. Kjo është tërësisht e papranueshme”.

Ndaj raportimeve për përdorimin e veturave zyrtare në këto zgjedhje, kanë reaguar nga MPB. Nga MPB thonë se përdorimi i veturave është bërë me kërkesë të KQZ-së dhe se këto vetura janë dhënë në shfrytëzim me miratimin e Sekretarit të Përgjithshëm të MPB-së, Lulzim Ejupi.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close