Haradinaj: Kam informata se nuk jam më subjekt i hetimit të Speciales

Kryetari i AAK’së, Ramush Haradinaj, ka thënë në emisionin Pressing në T7 se ka informata që Gjykata Speciale nuk është duke e hetuar më.

Haradinaj ka bërë të ditur se do të kandidojë për President të Kosovës. Po i njëjti kishte dhënë dorëheqje nga kryeministri pasi kishte marrë ftesë nga Specialja.

“Kam informata se nuk jam më subjekt i hetimit të Speciales. Kjo është ajo që kam dëgjuar dhe e di”, tha ai.

“Edhe kur kam qenë i dyshuar dhe kam qenë atje. Më shumë jam pyetur për njohuri se sa për vepra”, shtoi ai