Muzeu Arkeologjik Durrës mirëmbajtje koleksioneve muzeale

/ATSH/ Në muzeun Arkeologjik në Durrës puna për ruajtjen e trashëgimisë sonë kulturore nuk ka ndalur për asnjë moment.
Në muzeun më të madh arkeologjik në Shqipëri ruhen objekte arkeologjike të prehistorisë, periudhës arkaike dhe asaj të antikitetit.

Ministrja e Kulturës, Elva Margariti, tha se “ndonëse po kalojmë ditë të vështira, puna për ruajtjen e trashëgimisë sonë kulturore nuk ka ndalur për asnjë moment. Punonjësit dhe restauruesit e Qendrës Muzeore Durrës janë përfshirë në procesin e pastrimit dhe mirëmbajtjes së koleksioneve muzeale dhe të të gjitha objekteve të trashëgimisë”.

“Shpresoj që në sezonin e ardhshëm, skulptura e rrallë e Geas, perëndeshës së Tokës, që po i nënshtrohet pastrimit, të presë e të përcjellë vizitorë në Muzeun Arkeologjik të Durrësit, por edhe në destinacionet e shumta kulturore të këtij qyteti-port”, – tha Margariti.
Muzeu i parë arkeologjik në Durrës është hapur më 13 mars të vitit 1951. Ishte nisma e intelektualit Vangjel Toçi, i cili deri në atë kohë ishte bërë mjaft i njohur në Durrës edhe si krijuesi i bibliotekës së qytetit më 10 shtator 1945 dhe që vendosi në eksponatet e muzeut të ri koleksionin e objekteve që kishte mbledhur me shumë kujdes dhe me mbështetjen e dhjetëra qytetarëve durrsakë.

Edhe projekti i muzeut aktual lidhet me emrin e arkeologut Vangjel Toçi. Planet për ndërtimin kishin nisur që në fillim të viteve 1980, por dalja e tij në pension dhe përkeqësimi i buxhetit financiar të shtetit e shtynë për një kohë mjaft të gjatë realizimin e tij.

Pas restaurimit dhe çeljes për publikun më 2015, vetëm në katin e parë të godinës janë riekspozuar rreth 2100 objekte, që i përkasin periudhës para themelimit të qytetit, deri në shekullin e 4-t pas erës sonë.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close