SHBA-ja dhe Kina dominuan tregun e armëve më 2019

Kompanitë amerikane dhe kineze dominuan tregun global të armëve në vitin 2019.

Një raport i lëshuar të hënën nga Instituti Ndërkombëtar për Kërkim të Paqes, me seli në Stokholm, tregon se këto kompani kanë përbërë mbi 75 për qind të shitjeve vitin e kaluar.

Nga 25 kompanitë më të mëdha të armëve në botë, 12 kanë qenë amerikane dhe kanë përbërë 61 për qind të shitjeve të armëve dhe shërbimeve ushtarake, ndërsa shitjet e kompanive kineze kanë qenë 15.7 për qind, thuhet në raport.

Shitjet totale nga 25 kompanitë e para janë rritur për 8.5 për qind, përkatësisht në 361 miliardë dollarë, thekson po ashtu raporti.

Lista vazhdon të udhëhiqet nga kompania amerikane e hapësirës ajrore Lockheed Martin.

Shtetet e Bashkuara kanë dominuar tregun ndërkombëtar të armëve me dekada, por shitjet e kompanive kineze janë rritur për gati 5 për qind në vitin 2019, thuhet në raport.

Raporti i Institutit Ndërkombëtar për Kërkimin e Paqes po ashtu tregon se, për herë të parë, një kompani nga Lindja e Mesme është futur në mesin e 25 kompanive më të mëdha të armëve në botë.

Bëhet fjalë për kompaninë EDGE nga Emiratet e Bashkuara Arabe, e cila është formuar nga konsolidimi i rreth 25 subjekteve të mbrojtjes në vitin 2019.

I krijuar nga Parlamenti i Suedisë më 1966, Instituti Ndërkombëtar për Kërkim të Paqes gjurmon shpenzimet ushtarake dhe transferimet e armëve.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close