Pandemia ka ulur emetimet e CO2-shit

Emetimet globale të dioksidit të karbonit (CO2) kanë rënë për 7 për qind, krahasuar me një vit më parë, pasi bota ka ndërmarrë masa të ashpra izolimi kundër pandemisë së koronavirusit.

Grupi i shkencëtarëve ndërkombëtarë pranë Projektit Global të Karbonit e publikoi studimin të premten.

Rënia e emetimeve të dioksidit të karbonit ka qenë për 12 për qind në Shtetet e Bashkuara dhe 11 për qind në të gjithë Bashkimin Evropian.

Por, emetimet kanë rënë vetëm 1.7 për qind në Kinë – vendin që ka qenë në gjendje të rimëkëmbë ekonominë, pas vënies nën kontroll të koronavirusit.

Sipas shkencëtarëve, rënia e përgjithshme e emetimeve ka ndodhur kryesisht për faktin se njerëzit kanë qëndruar në shtëpi dhe kanë udhëtuar më pak me makina dhe aeroplanë.

Edhe para pandemisë së koronavirusit, emetimet janë rritur me një ritëm më të ngadalshëm se viteve të mëparshme.

Sipas shkencëtarëve, kjo është rënia më e madhe vjetore e emetimeve të CO2-shit që nga Lufta e Dytë Botërore.

Ekipi i Projektit Global të Karbonit tha se, këtë vit, emetimet e karbonit kanë rënë për 2.4 miliardë tonë.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close