1 MIJË E 318 KOSOVARË DO TË MARRIN MBI 4 MIJË EURO NGA TRUSTI PENSIONAL

Që nga pasdita e së premtes kur edhe filluan aplikimet për 10% të Trustit Pensional, janë mijëra qytetarë të cilët aplikuan për të përfituar nga kjo mundësi.

Ndërsa në bazë të publikimeve të fundit bëhet e ditur se janë 1 mijë e 318 persona të cilët do të arrijnë të marrin mbi 4 mijë euro, nga kursimet e tyre në kuadër të trustit.

Sipas Fondit të Kursimeve Pensionale të Kosovës, 5 mijë e 799 persona do të marrin nga kursimet deri në 10 euro, 33 mijë e 361 aplikues do të arrijnë të marrin nga 11 deri në 50 euro, kurse 32 mijë e 614 qytetarë do të tërheqin nga 51 deri në 100 euro.

Mbi 44 mijë kosovarë do të marrin nga 201 deri në 500 euro, transmeton lajmi.net.

501 deri në 1 mijë euro do të arrijnë të marrin mbi 51 mijë qytetarë, apo 19.2%.

Kësisoj shumë qytetarë do të përfitojnë nga kjo mundësi në kohë pandemie, por është dehe një përqindje e madhe e qytetarëve të cilët punuan, por që përsëri s’do të marrin as edhe një cent nga Trusti Pensional i Kosovës.

Ndryshe mundësia për tërheqjen e 10% të Trustit Pensional u arrit vetëm pas votimit të Ligjit për Rimëkëmbjen Ekonomike, ligj ky i cili u hodh në votim disa herë radhazi, por që shumica e deputetëve hezitonin që ta votonin atë.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close