Ministri i jashtëm shqiptar,Cakaj falënderon Izraelin për njohje diplomatike të Kosovës

Ministri i Punëve të Jashtme në Shqipëri, Gent Cakaj, gjatë ditës së sotme ka biseduar me krerët e Komitetit Amerikano-Hebraik.

Me këtë rast, ai shprehu shprehëm mirënjohjen për njohjen e Republikës së Kosovës nga ana e Izraelit.

“Ky është një zhvillim i jashtëzakonshëm historik që hap një horizont krejtësisht të ri me shumë mundësi bashkëpunimi mes dy vendeve. Mirënjohës pafund Komitetit Amerikano-Hebraik për punën e pakursyer për ngritjen e imazhit të Shqipërisë e shqiptarëve kudo në botë”, tha ai.

Ndryshe, njohja diplomatike e Izraelit ndaj Kosovës erdhi falë marrëveshjes për normalizim ekonomik ndaj Kosovës dhe Serbisë, e arritur në Uashington më 4 shtator.

Njoftimi i plotë:

Një bisedë absolutisht e shkëlqyer me krerët e Komitetit Amerikano-Hebraik.

Në krye të herës, vlen të theksohet se shprehëm mirënjohjen e pamatë për njohjen e Republikës së Kosovës nga ana e Izraelit.

Ky është një zhvillim i jashtëzakonshëm historik që hap një horizont krejtësisht të ri me shumë mundësi bashkëpunimi mes dy vendeve. Mirënjohës pafund Komitetit Amerikano-Hebraik për punën e pakursyer për ngritjen e imazhit të Shqipërisë e shqiptarëve kudo në botë.

Po ashtu, vlerësuam bashkërisht punën që ka bërë Shqipëria në luftën kundër anti-semitizmit, veçanërisht si Kryesi e Radhës e OSBE-së dhe me organizimin e Forumit Ballkanik kundër anti-semitizmit. Populli shqiptar shkëlqen si shembull i vyer në historinë e Evropës, si i vetmi popull që me mbrojtjen, mikpritjen e kujdesin e tij, ka mundësuar që në Shqipëri të ketë më shumë hebrej pas Luftës së Dytë Botërore, sesa para saj.

Diskutuam po ashtu mbi rëndësinë e disa projekteve në fushën e sigurisë, arsimit, ekonomisë dhe kulturës mes Shqipërisë dhe Izraelit. Marrëdhënia jonë historike duhet të shndërrohet në projekte konkrete të bashkëpunimit ekonomik, politik dhe institucional. Shqipëria është plotësisht e përkushtuar për të thelluar marrëdhënien me Shtetet e Bashkuara të Amerikës dhe Izraelin.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close