Bosnie-Prokuroria nis hetimet për origjinën e dhuratës së Dodikut për Lavrovin

Prokurorët boshnjakë thanë të premten se do të hetojnë prejardhjen e dhuratës, të cilën udhëheqësi serb i Bosnjës, Millorad Dodik, i ka bërë ministrit të Jashtëm të Rusisë, Sergey Lavrov, gjatë qëndrimit të tij në Bosnjë këtë javë.

Ikona 300-vjeçare të cilën Dodik ia dhuroi Lavrovit mund të ishte kontrabanduar në mënyrë të paligjshme nga Ukraina lindore e shkatërruar nga lufta.

Ambasada e Ukrainës në Sarajevë ka ngritur shqetësime rreth artefaktit, pasi agjencia serbe e lajmeve Srna, në Bosnje, publikoi një fotografi të ikonës dhe vulën e saj të vërtetësisë, e cila sugjeron se ajo mund të ketë origjinën në qytetin e Lugansk, ku separatistët pro-rusë po luftojnë forcat e Kievit.

Dhjetëra serbë të Bosnjës kanë luftuar së bashku me rebelët në luftën në Ukrainën lindore, e cila filloi më 2014. Serbia dhe serbët e Bosnjës kanë lidhje të ngushta me Rusinë.

Millorad Dodik, përfaqësuesi serb në presidencën tre-anëtarëshe të Bosnjës, deri më tani ka refuzuar të komentojë mbi këtë çështje.

Ministria e jashtme e Ukrainës konfirmoi të premten se ambasada e saj në Sarajevë u kishte kërkuar autoriteteve boshnjake të siguronin “sqarime dhe informacion të plotë mbi rrethanat e kësaj çështjeje”.

Në një letër të botuar nga media boshnjake, ambasada e Ukrainës tha se dështimi për të dhënë informacion në lidhje me ikonën do të shihej si tregues i mbështetjes për “politikat agresive dhe veprimet ushtarake të Federatës Ruse në Ukrainë”.

Agjencia Reuters kërkoi nga ambasada një kopje të letrës ose detaje tjera për rastin, mirëpo nuk pranoi përgjigje.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close