Kryeministri Hoti: Janari mund të jetë vonë për zgjedhjen e presidentit

Kryeministri i Kosovës, Avdullah Hoti as sot nuk ka dhënë datë për organizimin e takimit të liderëve politikë lidhur me postin e presidentit.

Ai tha se janë duke munduar të organizojnë sa më parë takimin, por i pyetur nëse ka ndonjë afat kohor se deri kur do të tentohet të gjendet një zgjidhje, Hoti dha një paralajmërim për spektrin politikë se nëse nuk arrihet një marrëveshje sa më shpejtë, muaji janar mund të jetë edhe vonë për zgjidhjen e kësaj çështje.

“Jemi duke u munduar të organizojmë sa më parë takimin, tash ftesa formale të shkruara nuk kemi bërë, por jemi duke tentuar që sa më parë të gjejmë një zgjidhje…Unë besoj që edhe janari është vonë, por gjithësesi sa më parë”, tha Hoti gjatë një vizitë të hënën në Rahovec.

Rreth vazhdimësisë së dialogut pas deklaratave të presidentit serb Vuçiq se vendi i tij nuk do të njoh Kosovën të paktën gjatë mandatit të tij deri në vitin 2022, kreu i qeverisë tha se pavarësisht kësaj dialogu si proces është çështje muajsh.

“Dialogu si proces është çështje muajsh. Duhet të vijmë në fund të këtij procesi shumë shpejtë. Unë do të doja që të përmbyllim me njohje reciproke, nëse nuk arrijmë të përmbyllim me njohje reciproke nuk mund të arrijmë as marrëveshje. E ne do të vazhdojmë të rrugëtojmë dhe ekzistojmë si shtet i pavarur dhe të punojmë në integrime euroantlantike”, tha ai.

Ndërkaq sa i përket kërkimit të dorëheqjes së drejtorit të AKI-së, Kreshnik Gashi, Hoti tha se e këtë vendim e ka ma marrë bazë kompetencave të tij.

“Është një vendim shtetëror bazuar në kushtetutë, bazë kompetencave që kam dhe ligjeve në fuqi si kryeministër i vendit vlerësojë situatën dhe marrë vendime. Si kryeministër kam vlerësuar dhe kam marrë një vendim të tillë”, tha ai.

 

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close