MI:RRUGËT TË LIRA PËR QARKULLIM

Ministria e Infrastrukturës ka bërë të ditur se të gjitha rrugët në vend janë të lira për qarkullim.

Nga kjo ministri është bërë e ditur se në disa rrugë në Prishtinë dhe në komunat tjera kanë hedhur kripë për shkak të mjegullës së dendur.

“Në rajonin Prishtina 1 dhe 2, të gjitha rrugët e mirëmbajtura nga MI janë të lira për qarkullim, por, shkaku i mjegullës së dendur dhe temperaturave nën zero (-0), është aplikuar hedhja e kripës dhe e rërës në rrugët N9 Prishtinë-Mutidovë (segmenti Keqekoll-Mutidovë), N25 QMI-Carralevë (segmenti Shtime-Carralevë) dhe R102 Komoran-Carralevë (segmenti Pjetershticë-Carralevë)”, është thënë nga kjo ministri.

Njoftimi i plotë:

Me qëllim të informimit të vazhdueshëm mbi gjendjen aktuale të autoudhëve, rrugëve rajonale dhe atyre nacionale, Ministria e infrastrukturës njofton pjesëmarrësit në komunikacionin rrugor se:

-Në rajonin Prishtina 1 dhe 2, të gjitha rrugët e mirëmbajtura nga MI janë të lira për qarkullim, por, shkaku i mjegullës së dendur dhe temperaturave nën zero (-0), është aplikuar hedhja e kripës dhe e rërës në rrugët N9 Prishtinë-Mutidovë (segmenti Keqekoll-Mutidovë), N25 QMI-Carralevë (segmenti Shtime-Carralevë) dhe R102 Komoran-Carralevë (segmenti Pjetershticë-Carralevë).

-Edhe rrugët në rajonin e Pejës, që të gjitha janë të kalueshme, duke cekur punimet në sanimin e deformimit në kilometrin e 12-të të rrugës N9 Pejë-Kuçishtë-Bogë.

-Infrastruktura rrugore e rajonit të Gjilanit është poashtu krejtësisht e lirë për qarkullim, përfshirë pastrimit permanent të disa pjesëve të rrugëve, në ta cilat ka erodime të dheut dhe gurëve.

-Krejtësisht të lira për qarkullim dhe pa ndonjë intervenim shtesë, janë edhe rrugët në rajonin e Ferizajt.

– Rrugët e rajonit të Gjakovës gjithashtu po mirëmbahen sipas parametrave normale, pa u penguar qarkullimi i lirë i automjeteve.

-Në drejtimin Prizren-Carralevë të rajonit të Prizreit po intervenohet me kripë. Përndryshe, të gjitha rrugët në këtë rajon janë të lira për qarkullim.

Ekipet e mirëmbajtjes dimërore të rrugëve po vazhdojnë aktivitetet e tyre edhe në autoudhët e Kosovës. Në autoudhën A7 Morinë-Gjurgjicë, drejtimi Suharekë-Morinë dhe Suharekë-Gjurgjicë. po aplikohet shpërndarja e kripës, për të parandaluar çfarëdo lloj pengese e cila mund të shkaktohet si pasojë e mjegullës dhe temperaturave nën zero (-0).

Rritja e sigurisë në rrugë gjatë sezonës dimërore mbetet prioritet i MI-së.​​

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close