BE 4.7 milionë euro në mbështetje të peshkimit në Shqipëri

ATSH/ Mbështetja e Bashkimit Europian është shtrirë në disa sektor të rëndësishëm të ekonomisë shqiptare ndër të cilët është edhe peshkimi.

Ministria e Bujqësisë dhe Zhvillimit Rural bën të ditur se, mbështetja për sektorin e peshkimit në Shqipëri, në këto vitet e fundit, shënon një fond prej 4.7 milionë euro të financuar nga BE.

Mbështetja për këtë sektor është fokusuar në planifikimin e zonave të përcaktuara për akuakulturën me plane të besueshme të menaxhimit në përputhje me të dhënat e vlerësimit të stokut, analiza e institucioneve të përfshira në zbatimin e legjislacionit në sektor, trajnimin e inspektorëve dhe administratorëve të peshkimit dhe plane zhvillimi për një port peshkimi.

Peshkimi mbetet një nga sektorët me rritjen më të shpejtë në ekonominë shqiptare. Për gjashtë muajt e parë të vitit 2020 rritja e eksporteve në vlerë është 24.5 % dhe në peshë 31.6 %, kundrejt së njëjtës periudhë të vitit të kaluar.

Përjashtimi i naftës së peshkimit nga taksat, heqja e TVSH për materialet e peshkimit, si dhe investimet në infrastrukturë, janë ndërhyrjet e duhura që kanë dhënë rezultate në këtë sektor.

Ndërkohë, buxheti 2021 për peshkimin, shënon rritjen më të madhe krahasuar me programet e tjerë me plot 201% dhe adreson investime për kantieret e rindërtimit të 3 porteve të peshkimit në Durrës, Vlorë dhe Shëngjin me financim nga kredia italiane prej 25 milionë euro.

Ndërkohë që në mesin e muajit dhjetor 2020, u hapën aplikimet për grante të financuara nga Bashkimi Europian për investime që modernizojnë flotën shqiptare të peshkimit, që përmirësojnë kushtet e sigurisë në det, ruajtjen dhe trajtimin e produktit si dhe mbrojtjen e mjedisit.

Synimi i mbështetjes me grante është që të modernizojnë flotën e peshkimit sipas standardeve më të mira. Një tjetër iniciativë në mbështetje të sektorit të peshkimit pritet të aplikohet në vitin 2021.

Qeveria shqiptare dhe Bashkimi Europian, adresojnë në buxhetin e vitit 2021, një grant me vlerë 1.5 milion euro për subvencionimin me 50 % të peshkatarëve, për shpenzimet për rinovimin e të gjithë pajisjeve për anijet e peshkimit.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close