Ministri Zemaj:Kosova ka aplikuar për vaksinë në COVAX

Ministri në detyrë i Shëndetësisë së Kosovës, Armend Zemaj, tha se Kosova, më 7 dhjetor, ka aplikuar zyrtarisht në programin COVAX, për sigurimin e vaksinës kundër sëmundjes COVID-19.

Në një konferencë për media në Prishtinë, Zemaj tha se dozat fillimisht do të jenë të mjaftueshme për 20 për qind të popullsisë.

COVAX është program i Organizatës Botërore të Shëndetësisë, i cili synon shpërndarjen e vaksinës kundër koronavirusit edhe në vende më të varfra.

Zemaj tha se kanë filluar kontaktet dhe negociatat edhe me kompani të tjera, por nuk e saktësoi se cilat janë ato.

“Duke ruajtur konfidencialitetin e kërkuar, nuk kemi mundur që në ketë fazë t’i paraqesim format ekzakte të negocimit dhe rrugëve të sigurimit të kësaj vaksine“, tha Zemaj.

Një ditë më herët, presidenti i Serbisë, Aleksandar Vuçiq, tha se në veri të Kosovës ka filluar vaksinimi kundër koronavirusit, me vaksinën e kompanive Pfizer/BioNTech, e cila para disa ditësh ka arritur në Serbi.

Të shtunën, Qeveria në detyrë e Kosovës tha se nuk ka asnjë të dhënë nga Dogana dhe nga Policia Kufitare, se në Kosovë kanë hyrë vaksina kundër sëmundjes COVID-19.

Zemaj foli edhe për punën gjashtëmuajshe të Qeverisë së kryeministrit Avdullah Hoti në menaxhim të pandemisë.

Ai tha se nga pjesa e alokuar buxhetore, që ishte rreth 56 milionë euro, janë shpenzuar mbi 45 milionë.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close