SBASHK-u kërkon mjete shtesë për punonjësit në arsim

SBASHK përmes një komunikate për media ka kërkuar nga Qeveria Hoti që të ndajë mjete shtesë për punonjësit në sektorin e arsimit njësoj sikurse ka vepruar më herët për punëtorët shëndetësorë dhe policinë, për shkak se siç thuhet, ata janë përballur nga afër me rrezikun nga prekja me COVID-19.

“Nga 14 shtatori kur filloi viti shkollor, numri i punëtorëve të arsimit të prekur me COVID ka shënuar rritje të vazhdueshme dhe vetëm në intervalin kohor 11 nëntor – 14 dhjetor të prekur kanë qenë 2301 punëtorë arsimorë. Numri i madh i të prekurve nga COVID në institucionet arsimore kishte bërë që nga institucionet përgjegjëse të vjen vendimi që gjysmëvjetori i parë të përfundojë para kohës së paraprakë. Ky realitet është dashur të ndikojë te Qeveria dhe të ndahen mjete për shtesa në paga edhe për sektorin e arsimit. Kjo nuk ndodhi, andaj SBASHK kërkon nga qeveria aktuale të ndajë mjete shtesë prej 100 euro në paga për gjithë të punësuarit në sektorin e arsimit për muajt tetor, nëntor e dhjetor të këtij viti për të vazhduar edhe në vitin e ardhshëm për gjithë kohën sa zgjat pandemia, apo derisa nuk përmirësohet e nuk fillon se implementuari Ligji i pagave”, thuhet në komunikatë.

Njëherësh SBASHK kërkon votimin e buxhetit 2021, por duke e amendamentuar atë e duke krijuar vijë të qartë buxhetore për të mbuluar kërkesat e kontratës kolektive të sektorit të arsimit, me qëllim që çështjet e përcaktuara me kontratë të realizohen pa pasur nevojë të shkohet në gjykata.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close