Asamblistja e LDK-së kalon në Vetëvendosje

Asamblistja e Lidhjes Demokratike e Kosovës në Komunën e Ferizajt, Yllkë Neziri, sot ka kaluar në radhët e Lëvizjes Vetëvendosje.

Lajmi është bërë i ditur nga kreu i kësaj partie Albin Kurti përmes një postimi në Facebook.

Ai ka thënë se Yllkë Neziri rrjedh nga një familje intelektualësh, ka gradën bachelor në drejtimin Banka, Financa dhe Kontabilitet, dhe master në të njëjtin drejtim.

Postimi i plotë:

Asamblistja më e votuar e LDK-së në Komunën e Ferizajt, Yllkë Neziri, sot na u bashkua në Lëvizjen Vetëvendosje.

Yllka rrjedh nga një familje intelektualësh, ka gradën bachelor në drejtimin Banka, Financa dhe Kontabilitet, dhe master në po të njëjtin drejtim.

Ajo ka përvojë si financiere dhe në fushën e kontabilitetit në sektorin privat, aktualisht mban pozitën e Financieres në KRM Pastërtia Sh.A.

Ajo po ashtu është anëtare e Komisionit për Buxhet dhe Financa në Kuvendin Komunal të Ferizajt, dhe tani e tutje do të jetë një vlerë e shtuar në grupin e asamblistëve të Lëvizjes në Ferizaj.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close