Maas: Gjermania nuk tërhiqet nga mosmarrëveshjet me SHBA për ”Nord Stream 2”

ATSH-DPA/ – Berlini nuk planifikon të tërhiqet nga mosmarrëveshjet me Shtetet e Bashkuara të Amerikës për gazsjellësin ”Nord Stream 2”, tha ministri i Jashtëm i Gjermanisë, Heiko Maas.

“Ne nuk kemi nevojë të flasim për sovranitetin e Europës nëse kjo nënkuptohet që ne mund të bëjmë gjithçka për të ardhmen ashtu siç e dëshiron Uashingtoni”, tha Maas në komentet e tij në prag të marrjes së presidencës nga Joe Biden më 20 janar.

Berlini po kërkon një fillim të ri me Uashingtonin nën presidencën Biden, pasi marrëdhëniet u përkeqësuan gjatë mandatit të Trump.

”Por, do të ketë akoma mosmarrëveshje përpara nesh”, theksoi Maas.

“Qeveria gjermane nuk do të ndryshojë qëndrimin e saj ndaj ‘Nord Stream 2’. Gjëja e rëndësishme është që ne të jemi në një linjë për çështjet qendrore strategjike dhe gjeopolitike, që të jemi në të njëjtën anë”, tha ai.

Politika e SHBA për këtë çështje nuk pritet të zhvendoset ardhjen e Biden, pasi edhe ky e refuzon këtë projektin, njësoj si Trump.

Gazsjellësi ”Nord Stream 2” do të transportojë gaz me burim rus drejtpërdrejt në Gjermani, ekonomia kryesore e BE-së, përmes një rruge nën detin Baltik, e ngjashme me linjën aktuale ”Nord Stream”.

SHBA e ka dënuar ndërtimin e këtij gaazsjellësi si kërcënim të sigurisë së aleatëve të NATO-s në BE duke rritur varësinë nga Rusia dhe ka kërcënuar me sanksione.

Ky gazsjellës ka përfunduar në 94% të punimeve.

Mbështetësit e projektit të gazsjellësit akuzojnë SHBA-në se dëshiron të shesë gazin e saj në Europë.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close