Mekanizmi që e bën frikën ”ngjitëse” ndodhet në tru

ATSH-ANSA/ – Mekanizmi që e bën frikën ”ngjitëse” ndodhet në tru, sipas një studimi të botuar në revistën ”Science” nga grupi i Universitetit Amerikan të Stanfordit i koordinuar nga Monique Smith.

Rezultati, vërejnë studiuesit, është një hap përpara drejt të kuptuarit të qarqeve të trurit të ndjeshmërisë dhe të kuptuarit kur dështon ndjeshmëria, si në rastin e disa sëmundjeve psikike.

Autorët e studimit identifikuan rajone të ndryshme në trurin e minjve që përfaqësojnë shënjestra nervore të lidhura me transmetimin shoqëror të ndjesisë së frikës ose dhimbjes.

”Njëra nga këto struktura është e ashtuquajtura lëvore cingulare anteriore, rajoni i korteksit i vendosur mbi korpusin e kallusit, një lloj sistemi alarmi i heshtur, në të cilin situatat e rrezikshme me të cilat përballet secili individ gjatë rrjedhës së ekzistencës së tij përpunohen në një nivel të pavetëdijshëm”, theksojnë autorët.

Studiuesit theksojnë se “transmetimi shoqëror i dhimbjes dhe lehtësimit të dhimbjes në minj ndërmjetësohet nga strukturat nervore që projektojnë nga lëvorja cingulare e përparme në rajone të ndryshme të trurit, të tilla si bërthama akumbens dhe amigdala”.

E para, specifikojnë ata, është një rajon i lidhur me proceset njohëse të motivimit dhe shpërblimit, i cili luan një rol të rëndësishëm në përpunimin e ndjenjave të kënaqësisë dhe frikës.

E dyta, ndër zonat më primitive të trurit, është e përfshirë në menaxhimin e emocioneve.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close