Mike Pompeo: SHBA-ja do të shfuqizojë kufizimet në kontaktet me Tajvanin

SHBA-ja po heq kufizimet në kontaktet midis zyrtarëve amerikanë dhe tajvanezë, tha sekretari amerikan i Shtetit, Mike Pompeo. Kufizimet u vendosën dekada më parë për të “qetësuar” qeverinë kineze, e cila ka pretendime për ishullin, tha departamenti i Shtetit i SHBA-së në një deklaratë.

Këto rregulla tani janë “të pavlefshme”, thuhet në deklaratë.

Masa ka të ngjarë të zemërojë Kinën dhe të rrisë tensionet midis Uashingtonit dhe Pekinit. Vendimi u mor derisa administrata e presidentit aktual të SHBA-së, Donald Trump hyn në ditët e saj të fundit, përpara inaugurimit të Joe Biden si president më 20 janar. Ekipi i tranzicionit i Bidenit ka thënë se presidenti i zgjedhur është i përkushtuar për të ruajtur politikën e mëparshme të SHBA-së ndaj Tajvanit.

Sipas BBC-së, analistët thonë se administrata e re do të jetë e pakënaqur me një vendim të tillë politik që po merret në ditët e fundit të administratës Trump, por që masa mund të anulohet lehtësisht nga pasardhësi i Pompeos, Antony Blinken.

Kina e konsideron Tajvanin si një provincë të shkëputur, por udhëheqësit e Tajvanit pretendojnë se vendi është një shtet sovran. Marrëdhëniet midis Kinës dhe Tajvanit janë të dobëta dhe ekziston një kërcënim i vazhdueshëm i ndonjë zhvillimi të dhunshëm.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close