Ish-drejtori i Policisë së Kosovës ,Qalaj aderon në PDK

Partia Demokratike e Kosovës (PDK) po vazhdon me prurjet e reja para garës zgjedhore të 14 shkurtit.

Aderimi më i ri i radhës në këtë parti është ish-drejtori i Policisë së Kosovës Rashit Qalaj.

Në një konferencë për media, kandidati për kryeministër nga radhët e PDK-së Enver Hoxhaj tha se me Qalaj në qeverisjen e PDK-së do të ndodhë reformimi i sektorit të sigurisë.

“Qalaj do të kontribuojë në rimëkëmbjen dhe reformimin e sigurisë dhe rendit në Kosovë”, tha ai, duke shtuar se Qalaj do të jetë kandidat për deputet nga radhët e PDK-së.

Nga ana e tij, Rashit Qalaj tha se është i nderuar që nga sot është pjesë e partisë për hartimin e programit të sigurisë.

“Largimi nga policia ka qenë një vendim i vështirë, por mendova që nga politika të ndikoj në përmirësimin e gjendjes për një vend të sigurt sa i përket sigurisë”, tha Qalaj, i cili për 20 vjet ka qenë i punësuar në Policinë e Kosovës.

Ndryshe, në këtë konferencë Hoxhaj tha se Vlora Çitaku është pjesë e kësaj partie dhe pritet të jetë pjesë e listës së garës zgjedhore.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close