Shefi i Samsung-ut dënohet për korrupsion

Trashëgimtari i Samsung-ut, Lee Jae Yong, u dënua me dy vjet e gjashtë muaj burgim nga një gjykatë e lartë në Korenë e Jugut, për shkak të përfshirjes në vepra korruptive.

Lee, 52 vjeç, është dënuar fillimisht për dhënie të ryshfetit një bashkëpunëtori të ish-presidentes Park Geun-hye dhe është burgosur për pesë vjet në vitin 2017.

Ai e ka mohuar keqbërjen. Dënimi i është zvogëluar dhe pezulluar në apel dhe ai është lënë i lirë pasi ka shërbyer një vit.

Gjykata Supreme më pas e ka kthyer çështjen përsëri në Gjykatën e Lartë të Seulit, e cila e ka nxjerrë vendimin e ri të hënën.

Samsung, prodhuesi më i madh në botë i telefonave të mençur, është konglomerati më i madh i kontrolluar nga një familje, që dominon ekonominë e Koresë së Jugut.

Qarkullimi i përgjithshëm i Samsung-ut arrin në 20 për qind të bruto prodhimit të brendshëm të Koresë së Jugut.

Lee ka qenë në krye të Samsung-ut për disa vite pasi babai i tij është sëmurë si pasojë e një sulmi në zemër. Babai i tij ka vdekur në tetor.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close