Reagimet e ekonomisë pas vendimit për shtrëngimin e lockdown

Vazhdim i lockdownit, por jo edhe mbyllje e prodhimit. Më shumë Homeoffice dhe më shumë ndihma financiare – janë vendimet e fundit. Po cilat janë reagimet e ekonomisë?

Shoqata Qendrore e Zejeve Gjermane (ZDH) mund të shikojë pak më pozitivisht vendimet e qeverive federale dhe të landeve: “Ky është një lajm i rëndësishëm për shumë biznese zejtarësh dhe punonjësit e tyre se nuk do të ketë një bllokim të plotë ekonomik për momentin”,  tha kryetari i ZDH, Peter Wollseifer të martën në mbrëmje.

“Për të përjashtuar një lockdown të këtillë edhe në të ardhmen, e me shpresë se zejtarët mund të rifillojnë punën, tani duhet të ruajmë shëndetin e punonjësve”, vazhdon Wollseifer. Si shumë të tjerë edhe ai ka kërkuar ndihmë të shpejtë dhe një procedurë më të thjeshtë të pagesave.

Humbjet e sektorit të tregtisë

Në krizën e Coronës, ndërmarrjet e shumë degëve po luftojnë për ekzistencë. Shoqata e Tregtisë Gjermane (HDE) në veçanti ka kritikuar faktin se ndihmat e premtuara ende nuk kanë mbërritur tek personat që kanë nevojë dhe po bën presion për përmirësimin e ndihmës së shtetit.

“Tregtia me pakicë po humb për shkak të lockdown mesatarisht 600 milion euro në ditë gjatë muajit janar”,  tha drejtori i HDE Stefan Genth. “Bizneset kanë humbur shumë në kohën e Krishtlindjeve, në nëntor dhe dhjetor, e tani shumë sipërmarrje nuk mund t’i kompensojnë këto humbje, pa fajin e tyre.” Njëkohësisht HDE ka përshëndetur vendimin e qeverisë federale për të ndihmuar këto biznese. Tani minisri i Financave Olaf Scholz (SPD) dhe minisri i Ekonomisë Peter Altmaier (CDU) duhet t’i realizojnë këto premtime, thotë Genth.

Premtimet për ndihma më të mira

Presidenti i Institutit për Ekonominë Botërore në Kiel (IfW), Gabriel Felbermayr, paralajmëron mundësinë e një vale të re falimentimesh, për shkak të mbylljeve të fundit. “Sa më gjatë të shkojë mbyllja, aq më shumë do të vuajnë kompanitë, aq më shumë shpenzohen rezervat e tyre, aq më të mëdha janë gjasat që të shohim një valë të madhe falimentimesh në fund të krizës”, tha ai për gazetën Bild Live. “Më e pakta që duhet të ndodhë tani është që dikush të përpiqet me pagesa të mëdha të ndihmojë ekzistencën e sipërmarrjeve të cilat kanë ardhur në këtë situatë, pa fajin e tyre.”

Pas kritikave masive qeveria federale ka vendosur të martën që ndihmat të shkojnë më shpejtë tek ata që i kanë kërkuar ato. “Ndihmat do të jenë më e thjeshta, më të mëdha dhe me orientim të qartë”, tha ministri i Financave Olaf Scholz (SPD). Scholz është dakord me ministrin e Ekonomisë Peter Altmaier (CDU), i cili deklaroi: “Ne do të thjeshtojmë në mënyrë drastike ndihmën për tejkalimin e gjendjes dhe do t’i shtojmë ndihmat”.

Kritikat ndaj Homeoffice

Vendimi që punëdhënësit në të ardhmen t’u mundësojnë punonjësve që të punojnë nga shtëpia kudo që është e mundur, u shoqërua me kritika nga përfaqësuesit e punëdhënësve.

Vendimet janë të “papranueshme”, tha drejtuesi i shoqatës së punëdhënësve Gesamtmetall, Oliver Zander. Ministri i Punës Hubertus Heil (SPD) ka bërë të ditur në nëntor se kjo nuk do të ndodhë. “Të thuash se kjo masë është një mjet për luftimin e pandemisë, kjo të krijon përshtypjen se ministri po e përdor këtë për qëllime të brendshme politike”, thotë Zander.

Më shumë siguri…

Në trafikun e qytetit dhe në dyqane parashikohet mbajtja e maskave të posaçme për më shumë siguri. Në të ardhmen atje duhet të mbahen maska ​​kirurgjikale ose maska me standardet KN95 / N95 ose FFP2. Për më tepër, nga kompanitë e transportit kërkohet të rrisin ofertën e tyre. Në këtë mënyrë, rregullat e distancës mund të respektohen më mirë, veçanërisht në periudhat e pikut të lëvizjes.

“Nëse rruga deri në punë identifikohet si një rrezik i veçantë, atëherë sektori publik duhet të rrisë numrin e automjeteve për transport publik, në vend se të kërkojë që të përdoren maska FFP2 dhe të largojnë vëmendjen nga dështimet e tyre,” tha Zander.

Shoqata e Kompanive Gjermane të Transportit kumtoi se “është e vetëkuptueshme” që do të mbështesë këtë vendim. Kryetari i VDV Ingo Wortmann tha, se kërkesa për shtrëngimin e masave për maska është e “panevojshme”.

Drejtori i “Allianz pro Schiene”, Dirk Flege, theksoi se duhet të shikohet mirë vendimi për mbajtjen e maskave. Por në thelb ai e cilësoi si pozitiv këtë vendim. “Më shumë autobusë dhe trena – si dhe kërkesa për maska, kjo rrit sigurinë për të gjithë përdoruesit e transportit publik”, tha Flege.

Ndërsa përfaqësuesit e institucioneve financiare si Andreas Scheuerle janë të kënaqur me vendimet, sepse ata kanë pasur frikë se masat do të jenë edhe më të ashpra. “Nga pikëpamja ekonomike, mbyllja edhe më e madhe dhe mbyllja e mundshme e kufijve do të kishin qenë shumë më të dëmshme për ekonominë. Për momentin këto janë evituar.” Ngjashëm mendojnë edhe përfaqësuesit e institucioneve të tjera financiare.

 

bc/bea/hb (dpa, afp, rtr)/dw

 

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close