Shefi i USAGM-it raportohet se ka dhënë dorëheqje me kërkesë të Bidenit

Mediat amerikane raportojnë se kreu i agjencisë që mbikëqyr transmetuesit ndërkombëtarë amerikanë, përfshirë Radion Evropa e Lirë, ka dhënë dorëheqje, me kërkesë të presidentit Joe Biden.

Radio Publike Kombëtare e SHBA-së, Washington Post dhe Washington Examiner shkruajnë në Twitter se Michael Pack ka dorëzuar letrën e tij të dorëheqjes nga posti i drejtorit ekzekutiv të Agjencisë Amerikane për Media Globale (USAGM).

Në faqen e USAGM-it nuk ka ende asnjë njoftim për dorëheqjen e tij.

Por, Byron York, nga Washington Examiner, ka shpërndarë në Twitter tekstin e letrës së supozuar të dorëheqjes nga Pack.

Në të, Pack, i emëruar nga ish-presidenti amerikan, Donald Trump, citon kërkesën “dëshpëruese” të administratës së re për dorëheqjen e tij.

“Është dëshpëruese kërkesa për dorëheqjen time. Kjo, për kohë të gjatë, do të shihet si akt partiak, që ka dëmtuar zyrën e krijuar për t’i shërbyer popullit amerikan dhe interesit kombëtar”, thuhet në letër.

Mandati i USAGM-it është të promovojë lajme të paanshme në mbështetje të lirisë dhe demokracisë jashtë SHBA-së.

Por, mandati i Packut ka nxitur akuza – edhe nga ish-shefat e Radios Evropa e Lirë, redaktorët dhe drejtorët e shërbimeve të saj – se ai ka braktisur traditat dypartiake dhe ka bërë përpjekje të forcojë ndikimin e një partie mbi transmetuesit.

Biden dhe ekipi i tij i tranzicionit – i udhëhequr nga Richard Stengel – janë zotuar se do t’i rishikojnë plotësisht veprimet e Packut dhe kanë lënë të kuptohet se ai mund të zëvendësohet.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close