Shqipëria shpall “person non grata” diplomatin rus

Shqipëria ka shpallur “person non grata” (person të padëshirueshëm) diplomatin Alexey Krivosheev nga Rusia.

Qeveria e këtij vendi ka marrë vendim që diplomati rus të largohet brenda 72 orësh, nga momenti i dhënies së njoftimit zyrtar.

Vendimi, sipas Qeverisë, lidhet me faktin se diplomati, në mënyrë të përsëritur, nuk i ka respektuar masat e marra nga autoritetet për mbrojtjen e popullatës ndaj sëmundjes COVID-19.

“Që prej muajit prill, 2020, por edhe në fillim të këtij viti, Qeveria shqiptare ka pasur ankesa dhe denoncime të vazhdueshme mbi shkeljet e hapura të masave të marra nga ana e një diplomati të Ambasadës së Federatës Ruse në Tiranë”, thuhet në njoftimin e dhënë nga Ministria e Jashtme shqiptare.

Në njoftim thuhet se përfaqësues të lartë të Ministrisë për Evropën dhe Punët e Jashtme kanë kontaktuar me ambasadorin e Ambasadës së Federatës Ruse në Tiranë, Mihail Afanasiev, duke ia bërë me dije “shqetësimin për shkeljet e vazhdueshme të masave anti-COVID-19 nga diplomati”.

“Sfidimi i përsëritur i rregullave dhe masave mbrojtëse ndaj pandemisë dhe shpërfillja e shqetësimeve të institucioneve të shtetit shqiptar lidhur me to, nuk mund të justifikohen e nuk mund të tolerohen më tej”, thuhet në njoftim.

Ministria e Jashtme e Shqipërisë thotë se uron që “ky vendim i imponuar nga mosrespektimi i ligjeve dhe rregullave të shtetit shqiptar, do të mirëkuptohet plotësisht nga pala ruse” dhe se “Shqipëria e siguron palën ruse për përmirësimin e vazhdueshëm të marrëdhënieve mes dy vendeve”.

Zyrtarët rusë nuk kanë bërë ende ndonjë koment.

Për të frenuar përhapjen e koronavirusit, Shqipëria ka vendosur orë policore gjatë natës, i ka bërë të detyrueshme maskat brenda dhe jashtë, ashtu si dhe distancën sociale.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close