EMA nis procesin e rishikimit të vaksinës “Novavax”

ATSH-DPA/ – Agjencia Europiane e Barnave (EMA) njoftoi sot se ka filluar procedurën e saj të rishikimit për një vaksinë antiCOVID-19, që po zhvillohet nga prodhuesi amerikan i ilaçeve “Novavax”.

“Duke u bazuar në rezultatet fillestare nga testet laboratorike dhe studimet klinike, EMA ka filluar procedurën e saj të rishikimit”, tha agjencia.

Kjo do të thotë se të dhënat dhe rezultatet nga studimet vlerësohen para se të paraqitet një kërkesë zyrtare për autorizimin e tregut, duke shkurtuar procesin.

Provat klinike të vaksinës së prodhuar nga “Novavax” provuan të jenë 89 % efikase në mbrojtjen kundër COVID-19, por më pak efikase në parandalimin e variantit të zbuluar në Afrikën e Jugut.

Nëse ekspertët e EMA-s, pasi të shqyrtojnë të dhënat dhe pasi të jetë dorëzuar një aplikim zyrtar, vendosin të rekomandojnë vaksinën, atëherë është radha e Komisionit të BE-së për të përcaktuar nëse do ta miratojë atë apo jo.

Nëse miratohet, ajo do t’u bashkohet tri vaksinave, nga “AstraZeneca”, “Pfizer-BioNTech” dhe “Moderna”, që janë miratuar për Bllokun.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close