Netanyahu: Vendimi i GJNP-së, antisemitizëm i pastër

Me tone zemërimi, kryeministri i Izraelit, Benjamin Netanyahu të shtunën kundërshtoi vendimin e Gjykatës Ndërkombëtare Penale (GJNP), i cili hap rrugën për një hetim të krimeve të luftës në territoret palestineze të okupuara nga Izraeli.

Netanyahu tha se vendimi është një “antisemitizëm i pastër”.

“Si kryeministër i Izraelit, unë mund t’ju siguroj këtë: me të gjitha forcat tona ne do të luftojmë këtë shtrembërim të drejtësisë”, tha Netanyahu në një deklaratë.

Të premten, GJNP vendosi që ka juridiksion mbi situatën në territoret e okupuara palestineze, duke krijuar rrethanat që kjo gjykatë të hapë një hetim të krimeve të luftës, transmeton AFP.

Prokurorja e GJNP-së, Fatou Bensouda i kishte kërkuar gjykatës mendimin e saj ligjor nëse veprimtaria e saj ka juridiksion edhe në zonat e okupuara nga Izraeli. Ajo në muajin dhjetor të vitit 2019 kishte thënë se dëshiron të fillojë një hetim të plotë.

GJNP tha se gjyqtarët e saj kishin “vendosur, me shumicë, që juridiksioni territorial i Gjykatës shtrihet në territoret e okupuara nga Izraeli që nga 1967, përkatësisht Gaza dhe Bregun Perëndimor, duke përfshirë Jeruzalemin lindor”.

Autoriteti palestinez është një palë në gjykatë, pasi është bërë pjesë e saj më 2015, por Izraeli nuk është anëtar.

Izraeli pushtoi Bregun Perëndimor dhe Rripin e Gazës në Luftën Gjashtë Ditore të vitit 1967 dhe më vonë aneksoi Jeruzalemin lindor.

Kryeministri i autoritetit palestinez, Mohammed Shtayyehm tha se vendimi i GJNP-së është “një fitore për drejtësinë dhe njerëzimin”.

Por, Netanyahu tha se “Gjykata, e themeluar për të parandaluar mizoritë si Holokausti kundër popullit Hebre, tani po shënjestron shtetin e popullit hebre”.

Ai tha se GJNP duhet të hetojë “diktaturat brutale si Irani dhe Siria që kryejnë mizori të tmerrshme pothuajse çdo ditë”.

Departamenti i Shtetit i SHBA-së tha se ekzistojnë “shqetësime serioze” në lidhje me vendimin e GJNP, duke shtuar se Izraeli nuk duhet të jetë subjekt gjykatës pasi nuk është vend anëtar.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close