Zhvillohet testi molekular i shpejtë për identifikimin e varianteve të COVID-19

ATSH-ANSA/ – Është zhvilluar një test i shpejtë që në vetëm dy orë bën të mundur identifikimin e tre varianteve të virusit SarsCoV2 në qarkullim në Itali, që në fund të shkurtit mund të jetë i disponueshëm për të gjithë laboratorët që kryejnë analizën e tamponëve molekulare.

“Është një mjet që mundëson shqyrtimin paraprak në tamponët që janë pozitivë për molekulën”, tha virologu Francesco Broccolo, nga Universiteti “Bicocca”dhe drejtor i laboratorit “Cerba” në Milano.

“Më pas do të jetë ende e nevojshme të renditet materialin gjenetik i virusit, për të pasur konfirmimin përfundimtar dhe për të identifikuar çdo variant të ri, përveç atij britanik, brazilian dhe afrikanojugor”, shtoi ai.

Në kundërshtim me testin e zhvilluar në fillim dhe bazuar në një teknologji të patentuar, testi i ri bazohet në një modifikim të teknikës së reaksionit zinxhir polimerazë (PCR), i përdorur për të amplifikuar materialin gjenetik të virusit të marrë me tamponi.

E quajtur PCR Multiplex, teknika specializohet në identifikimin e mutacioneve brenda një gjeni duke përdorur sonda molekulare të etiketuara me molekula fluoreshente (fluorokromet).

“Këto të fundit identifikojnë variantet”, tha virologu.

Sipas Broccolo, çdo variant ka një modalitet që e dallon atë dhe prandaj është e mundur të identifikohen duke kërkuar drejtpërdrejt për këto karakteristika, madje edhe para se të renditen.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close