12 të arrestuar dhe mbi 400 mijë euro të sekuestruara në aksionin e sotëm nga Policia e Kosovës

12 persona janë arrestuar në aksionin e sotëm nga Policia e Kosovës dhe janë sekuestruar mbi 400 mijë euro. Personat e arrestuar dyshohen për keqpërdorim të subvencioneve, keqpërdorim i detyrës zyrtare dhe marrje e dhënie ryshfeti.

Kryeprokurori i shtetit Aleksandër Lumezi, ka dhënë detaje lidhur me aksionin, ku tha se nga muaji janar ka filluar grumbullimi i informacioneve dhe provave.

“Sot kemi bërë bastisjen e tyre, ku e kemi arsyetuar kërkesën për bastisje dhe gjatë këtyre veprimeve kemi konfiskuar një shumë të madhe të parave, laptop, telefona, vetura. Janë arrestuar 12 persona, 10 janë persona zyrtarë dhe 2 qytetarë të tjerë që kanë ndihmuar. Dyshohen për keqpërdorim të subvencioneve, marrje dhe dhënie të ryshfetit. Në bazë të provave dhe informatave ky aksion do të zhvillohet edhe në ditët e ardhshme”, tha ai.

Drejtori i Krimeve Ekonomike dhe Korrupsion, Nazmi Sahiti, tha se në aksionin e sotëm janë rreth 400 mijë euro që janë sekuestruar.

Bastisja është zhvilluar në Agjencinë për Zhvillim të Bujqësisë dhe në komunën e Istogut Lipjan dhe në Pejë.

Mungesën e prokurorit të rastit Rafet Haliti, e ka arsyetuar kryeprokurori i Prishtinës Kujtim Munishi, i cili tha se çdo veprim ka qenë në koordinim me të.

Këta janë personat e arrestuar deri më tani në aksionin e Policisë

Policia e Kosovës, përkatësisht Departamenti i Krimeve të Rënda është duke zhvilluar një aksion policor në Ministrinë e Bujqësisë dhe në zyrat e kësaj ministrie në Prishtinë, Lipjan, Istog, Gjilan dhe Podujeve.

Deri më tani janë të arrestuar 12 zyrtarë të lartë të Ministrisë së Bujqësisë dhe që Policia e Kosovës ka filluar bastisjen e pronave e të arrestuarve.

Të arrestuarit deri më tani janë: H.M, K.Z, A.N, S.SH, L.S, S.S, D,A, B.N, P.K, SH.K, A.U, K.S.

Gjatë bastisjes së sotme, janë konfiskuar disa dokumente dhe dy çanta me para.

Zëdhënësi i Policisë së Kosovës, Baki Kelani, ka thënë se informacione shtesë rreth këtij aksioni do të jepen pas përfundimit të operacionit.

“Mund të konfirmojmë se, Policia e Kosovës është duke e realizuar një operacion policor në disa lokacione, në rajone të ndryshme. Informacione shtesë mund të jepen pas përfundimit të operacionit policor”, ka thënë Kelani.

Prokurori i Shtetit ka njoftuar se do të mbajë sot konferencë për media lidhur me aksionin i cili është duke u zhvilluar.

Pjesëmarrës në këtë konferencë do të jenë nga Prokurori i Shtetit dhe Policia e Kosovës.

Njëri nga të arrestuarit e sotëm në Ministrinë e Bujqësisë është edhe Luan Statovci. Indeksonline mëson se të njëjtit Policia e Kosovës i ka bastisur fabrikën e këpurdhave dhe pronat në Batllavë të Podujevës.

Indeksonline raporton se gjatë bastistjes janë gjetur tri armë, të cilat janë konfiskuar.

Statovci punon në që disa vite në drejtoratin e pagesave direkte, në kuadër të Ministrisë së Bujqësisë.

Statovci në të kaluarën ka qenë i akuzuar për keqpërdorim të detyrës zyrtare, por që më pas ishte shpallur i pafajshëm.

Në mesin e të arrestuarave është edhe një ish-gazetare, tani zyrtare e Ministrisë së Bujqësisë.

Bëhet fjalë për Kastriote Bajrami-Sejdiu, e cila qe një kohë është pjesë e dikasteret të Bujqësisë, transmeton E.O.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close