Princi Harry dhe Meghan flasin për përçarje mbretërore

Princi Harry dhe gruaja e tij Meghan, kanë folur në një intervistë tejet personale për diskutimet brenda familjes mbretërore britanike për ngjyrën e lëkurës së djalit të tyre, humbjen e mbrojtjes mbretërore dhe vështirësitë tjera që, sipas Dukeshës së Sussexit, kanë ndikuar që ajo të mendojë për dhënie fund të jetës.

Intervista me Oprah Winfreyn, e transmetuar më 7 mars në Shtetet e Bashkuara, një ditë para transmetimit në Britani, ka qenë e para prej kur çifti ka hequr dorë nga detyrat mbretërore.

Harry, i cili është i gjashti në linjë për fronin britanik, ka thënë se është ndjerë i bllokuar nga jeta mbretërore dhe ka folur për befasinë kur i janë ndalur financat dhe siguria vitin e kaluar nga familja mbretërore.

Meghan e ka përshkruar momentin kur ka qenë për herë të parë shtatzënë me djalin e saj Archie, dhe kur Harry është pyetur nga një anëtar i familjes mbretërore “sa e errët” do të mund të jetë ngjyra e djalit të tyre.

Harry e ka pranuar se nuk ka lidhje të ngushta me vëllain e tij William, i cili është në rend për marrjen të fronit pas babit të tij, princit Charles.

Ai ka thënë se ka ndjerë se familja e tij nuk e ka mbështetur Meghanin.

Winfrey në një moment ka pyetur Meghanin për ndikimin e kësaj situate në shëndetin e saj mendor dhe presionin që ka pasur.

Ajo është përgjigjur se ka pasur mendime për vetëvrasje dhe ka kërkuar ndihmë përmes departamentit të pallatit për burime njerëzore, mirëpo i kanë thënë se nuk mund të bëjnë asgjë.

Në moment pozitiv i intervistës ka qenë kur Harry dhe Meghan kanë treguar se fëmija i tyre i dytë do të jetë vajzë.

Winfrey ka dhënë shenja se e gjithë intervista nuk është transmetuar dhe se pjesë të saj do të mund të publikohen të hënën në mëngjes në televizionin CBS.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close