Albin Kurti: Me qeverinë e re ndryshon qasja ndaj çështjes së të pagjeturve

Kryetari i Lëvizjes Vetëvendosje Albin Kurti priti sot në një takim kryetarin e Kryqit të Kuq në Kosovë, Agim Gashi me të cilin bisedoi për çështjen e personave të pagjetur gjatë luftës në Kosovë.

Kurti tha se në raport dhe dialog me Serbinë çështja e të pagjeturve nuk e ka marrë vëmendjen e duhur dhe se me qeverinë e re kjo do të ndryshojë dhe se dialogu do të jetë i përgatitur mirë e parimor.

Ndërsa, Gashi njoftoi kryetarin Kurti mbi marrëveshjen e bashkëpunimit me Komisionin Qeveritar për Persona të Zhdukur, për shkëmbimin e të dhënave sa i përket kësaj kategorie dhe për ecurinë e grupit punues që merret me çështjen e të pagjeturve.

Pas përfundimit të luftës në Kosovë, rezultuan rreth 6.500 persona të zhdukur. Që nga ajo kohë u kryen zhvarrime në varreza masive në Kosovë dhe Serbi. Sipas autoriteteve kosovare ende vazhdojnë të rezultojnë të pagjetur mbi 1.600 persona.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close