Federata e SHK: MSh po neglizhon ofertën e Ramës për vaksinimin e mjekëve kosovarë

Federata e Sindikatave të Shëndetësisë së Kosovës, përmes një komunikate për media, ka thënë se Ministria e Shëndetësisë po neglizhon ofertën e Kryeministrit të Shqipërisë, për vaksinimin e punëtorëve shëndetësorë.

Kryetari i FSSHK-së, Blerim Syla, për këtë çështje ka komunikuar me Ambasadorin e Republikës së Kosovës në Shqipëri Nait Hasani, i cili siç thuhet në njoftim, është angazhuar direkt për vaksinimin e punëtorëve shëndetësor në Kukës, por Ministria e Shëndetësisë së Kosovës deri më tani është duke e neglizhuar ofertën.

“Federata e Sindikatave të Shëndetësisë së Kosovës shpreh shqetësimin e saj në lidhje me mos reagimin e Ministrisë së Shëndetësisë pas ofertës së Kryeministrit të Shqipërisë Edi Rama, për vaksinim të punëtorëve shëndetësor.

Kryetari i FSSHK-së Dr. Blerim Syla për këtë çështje ka komunikuar me Ambasadorin e Republikës së Kosovës në Shqipëri z. Nait Hasani i cili është angazhuar direkt për vaksinimin e punëtorëve shëndetësor në Kukës, por, për fat të keq Ministria e Shëndetësisë së Kosovës deri më tani është duke e neglizhuar ofertën, prandaj apelojmë tek Ministria e Shëndetësisë që nëse nuk ka mundësi dhe gatishmëri për organizimin e marrjes së vaksinave në Kukës për punëtorët shëndetësor atëherë Federata e Sindikatave të Shëndetësisë së Kosovës është e gatshme të merr komplet organizimin për realizimin e vaksinimit të ofruar,në të kundërtën çdo vonesë është përgjegjësi e institucioneve të Republikës së Kosovës”, thuhet më tej në komunikatë.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close