Në Sarandë, nis mbjellja e luleve në qytetin bregdetar

ATSH/ Në qytetin bregdetar të Sarandës ka filluar mbjellja e lulishteve me lule shumëngjyrëshe.

Saranda është e pëlqyer për të jetuar dhe e kërkuar për të pushuar, edhe për ajrin e pastër dhe gjelbërimin që ofron.

Përveç plotësimit me mijëra pemë më shumë, që i është bërë kurorës së qytetit, tashmë edhe lulishtet po lulëzojnë nga lulet, duke shtuar gjelbërimin në qytet.

Sipërfaqeve ekzistuese të destinuara për pemë dhe lule, së fundmi Bashkia u shtoi edhe të tjera, të përftuara nga lirimi dhe sistemimi që iu bë hapësirave në Rrugën “Jonianët”.

Këto hapësira jo vetëm që u pajisën me ndriçim në pjesën e trotuarit, por u mbollën edhe lule e pemë dekorative, duke ofruar mjedis të pastër dhe ekologjik.

Për krijimin e hapësirave të gjelbra edhe bizneset kanë dhënë kontributin e tyre duke gjelbëruar mjediset rreth tyre.

Punonjëset e bashkisë së Sarandës kujdesen dhe i mirëmbajnë lulishtet, duke bërë të mundur që kushdo që vendos të çlodhet, të shijojë jo vetëm bukurinë, por të vlerësojë edhe pastërtinë.

Saranda mirëpret çdo vit mijëra turistë. E përkufizuar si “Qyteti i bardhë”, është e rrethuar nga kodra dhe përballë tij ndodhet ishulli grek i Korfuzit. Përveç diellit e plazhit, Saranda njihet dhe për historinë dhe kulturën e saj: e magjishme është kalaja e Lëkurësit, ndërsa Parku Arkeologjik i Butrintit nxit kureshtjen e turistëve të shumtë me historinë e tij mijëravjeçare.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close