Von Cramon: BE-ja të liberalizojë vizat që ka premtuar për qytetarët e Kosovës

Raportuesja për Kosovën në Parlamentin Evropian Viola Von Cramon tha sot se Këshilli i Bashkimit Evropian duhet që të heqë vizat për Kosovën sa më shpejt që të jetë e mundur.

Në debatin për raportin e progresit për Kosovën, Shqipërinë, Serbinë dhe Maqedoninë Veriore në PE, Viola Von Cramon tha se është koha e fundit që Këshilli i BE-së të liberalizojë vizat për Kosovën.

“Njerëzit në Kosovë më impresionojnë me dëshirën e tyre për të qenë pjesë e BE-së, në fakt asnjë shtet në rajon nuk shfaq qëndrim më të fortë për BE-në sesa Kosova, por ky fakt nuk mund të merret përgjithmonë si i mirëqenë nëse nuk përmbushim detyrimet tona, ne humbim kredibilitetin dhe besimin, është koha e fundit që Këshilli i BE-së për të dhënë premtimin e tij për liberalizimin e vizave. Unë ndaj frustrimin e qytetarëve të Kosovës, unë do të dëshiroja që Parlamenti Evropian do të mund të vendoste për këtë çështje”, tha Viola Von Cramon.

Ajo shprehu edhe shqetësimin e saj për shkak të mos furnizimit të Kosovës me vaksina kundër koronavirusit.

“Një tjetër çështje është mungesa e furnizimit të Kosovës me vaksinat (COVID-19). Kapaciteti i prodhimit në BE po rritet dhe kjo duhet të shfrytëzohet që të furnizohet edhe Kosova sa më parë që është e mundur BE-ja duhet të përkrahë vaksinimin e shpejtë të personelit mjekësor dhe grupeve tjera më të ndjeshme”, tha ajo.

Raportuesja për Kosovën tha se Prishtina zyrtare nuk duhet ta braktisë procesin e dialogut, pasi që njohja reciproke mes Kosovës dhe Serbisë është parakusht për anëtarësimin e të dyja vendeve në Bashkimin Evropian.

“Kuvendi i ri dhe qeveria duhet të gjejë gjuhën e përbashkët dhe të zgjedhë presidentin e ri. Sa i përket dialogut Kosovë-Serbi, qeveria e re të vazhdojë dialogun, pavarësisht vështirësive Kosova duhet që të mbetet e përkushtuar që të punojë me BE-në rreth dialogut dhe mos ta braktisë dialogun. Njohja reciproke mes Kosovës dhe Serbisë është parakusht që dy vendet të anëtarësohen në Bashkimin Evropian”, tha Viola Von Cramon.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close