IKSHPK thirrje qytetarëve

836 raste të reja me COVID-19 janë konfirmuar në Kosovë në 24 orëshin e fundit. 700 persona ndërkaq janë konfirmuar të shëruar nga ky virus.

Shifra e të infektuarve me koronavirus në 24 orët e fundit në Kosovë del se është më e larta e infektimeve, që nga fillimi i këtij viti.

Gjatë orëve të fundit janë raportuar 10 raste të vdekjes me Covid.

“Rastet e vdekjes janë nga këto komuna: Pejë 3 raste (71, 72, 73 vjeç), Deçan 1 rast (45 vjeç), Ferizaj 1 rast (70 vjeç), Fushë-Kosovë 1 rast (85 vjeç), Kaçanik 1 rast (90 vjeç), Prishtinë 1 rast (84 vjeç), Prizren 1 rast (67 vjeç), dhe Viti 1 rast (79 vjeç)”, ka njoftuar Instituti Kombëtar i Shëndetit Publik të Kosovës.

Që nga fillimi i pandemisë deri sot gjithsej total në total janë regjistruar, 85.334 raste nga 401.480 mostra të kryera si dhe 1.813 raste të vdekjes.

IKSHPK ka njoftuar se 12.934 është numri i rasteve aktive në vend.

Numri i përgjithshëm i të shëruarve nga COVID në Kosovë, deri më sot, është gjithsej 70.587.

IKSHPK ka pasur një apel për qytetarët.

“Apelojmë tek institucionet përgjegjëse, përkatësisht Policia e Kosovës dhe inspektoratet përgjegjëse që të mbikëqyrin me përpikëri dhe të ndërmarrin të gjitha veprimet e nevojshme për zbatimin e masave dhe vendimeve të tjera në fuqi në zbatim të Ligjit për parandalimin dhe luftimin e pandemisë COVID-19 në Republikën e Kosovës.”

 

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close