MAShTI thirrje publike për nominim të anëtarëve të Këshillit Shtetëror të Cilësisë.

Ministrja e Arsimin, Shkencës, Teknologjisë dhe Inovacionit, Arbërie Nagavci, ka bërë të ditur se janë në proces të funksionalizimit të Këshillit Shtetëror të Cilësisë.

Për këtë qëllim ajo ka bërë thirrje publike për nominim të anëtarëve të Këshillit Shtetëror të Cilësisë në Agjencinë e Kosovës për Akreditim.

Përmes një njoftimi në Facebook, Nagavci ka thënë se ky është një ndër prioritetet e para pasi funksionalizimi sa më i shpejtë i KSHC-së është i domosdoshëm sa për sigurimin e cilësisë në Arsimin e Lartë, po aq edhe për përmbushjen e rekomandimeve të organizatave ndërkombëtare të sigurimit të cilësisë si Rrjeti Evropian i Sigurimit të Cilësisë në Arsimin e Lartë (ENQA) dhe Regjistri Evropian i Sigurimit të Cilësisë në Arsimin e Lartë (EQAR).

Ndërsa ka inkurajuar fuqishëm nominimin ose vetënominimin e atyre që i plotësojnë kushtet dhe janë të gatshëm të marrin përgjegjësi në këtë drejtim.

Ky është statusi i saj i plotë:

Thirrje publike për nominim të anëtarëve të Këshillit Shtetëror të Cilësisë në Agjencinë e Kosovës për Akreditim

MAShTI është në proces të funksionalizimit të Këshillit Shtetëror të Cilësisë. Ky është një ndër prioritetet tona të para pasi funksionalizimi sa më i shpejtë i KSHC-së është i domosdoshëm sa për sigurimin e cilësisë në Arsimin e Lartë po aq edhe për përmbushjen e rekomandimeve të organizatave ndërkombëtare të sigurimit të cilësisë si Rrjeti Evropian i Sigurimit të Cilësisë në Arsimin e Lartë (ENQA) dhe Regjistri Evropian i Sigurimit të Cilësisë në Arsimin e Lartë (EQAR).

Tashmë kemi shpallur thirrjen për të plotësuar katër vende të lira për anëtarët vendor të KSHC të AKA-së dhe jemi në konsultime me partnerët tanë për nominimin e anëtarëve ndërkombëtar.

Si ministre e arsimit do të respektoj në përpikëri legjislacionin në fuqi dhe kriteret ashtu që të kemi një proces meritor dhe transparent që do të na mundësoj të kemi këtë organ funksional dhe kredibil. Inkurajoj fuqishëm nominimin ose vetënominimin e atyre që i plotësojnë kushtet dhe janë të gatshëm të marrin përgjegjësi në këtë drejtim.

Në linkun më poshtë detajet e Thirrjes dhe Formularët e nevojshëm për plotësim.
https://masht.rks-gov.net/publikimet

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close