Presidentja Osmani: Në kohë pandemie prioritet është sigurimi i vaksinës, jo dialogu

Presidentja e vendit, Vjosa Osmani ka takuar sot ambasadoren holandeze në Kosovë, Carin Lobbezoo, ndërsa theksoi se në kohë pandemie prioritet është sigurimi i vaksinës dhe jo dialogu me Serbinë.

Në këtë takim, marrëdhëniet ndërmjet të dy shteteve janë vlerësuar të mira, ndërkohë që të dy palët kanë shfaqur gatishmërinë e thellimit të tyre.

Presidentja Osmani ka theksuar se institucionet e reja të Kosovës kanë ndërmarrë masa për uljen e të prekurve me COVID-19, sikurse edhe të adresimit të pasojave ekonomike.

Në njoftimin e Presidencës thuhet se Osmani theksoi nevojën e bashkëpunimit dhe solidaritetit ndërkombëtar në përpjekjet e Kosovës për të siguruar sasinë e nevojshme të vaksinave.

Presidentja ka theksuar se në situatën aktuale në të cilën ndodhet Kosova nga gjendja me pandeminë nuk mund të prioritizohet dialogu përpara sigurimit të vaksinave.

Ajo ka shfaqur shpresën që në një situatë të tillë Kosova të mos lihet vetë dhe se nevoja urgjente për sigurimin e vaksinave do të mbështetet edhe nga shtetet mike.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close