Një raketë siriane bie afër një reaktori bërthamor në Izrael

Një raketë e shkrepur nga Siria në rajonin jugor të Negevit në Izrael ka bërë që të lëshohen sirenat paralajmëruese afër reaktorit bërthamor Dimona, ka njoftuar ushtria izraelite.

Radio e Ushtrisë Izraelite tha se një raketë siriane tokë-ajër ishte shkrepur në drejtim të avionëve izraelitë gjatë një sulmi ndaj objektivave në Rrafshnaltën e Golanit. Raketa tejkaloi avionin izraelit dhe arriti në zonën e Dimonas.

Nuk ka raportime për viktima ose dëme. Sipas mediave lokale banorët e zonës kanë dëgjuar një shpërthim të fuqishëm.

Si kundërpërgjigje, Izraeli njoftoi se ka sulmuar sistemet e mbrojtjes ajrore në Sirinë fqinje, përfshirë edhe atë që ka shkrepur raketën.

Mediumi Times of Israel citoi një zëdhënës ushtarak të thoshte se sulmi sirian me raketa nuk ishte një përpjekje e qëllimshme për të goditur reaktorin bërthamor në Dimona.

Izraeli kryen rregullisht sulme ajrore në Siri dhe në shënjestër ka forcat iraniane dhe grupet e lidhura me Iranin.

Tensionet mes Izraelit dhe Iranit janë në rritje.

Irani ka fajësuar Izraelin për një seri veprimesh sabotazhi që kanë synuar programin bërthamor të Iranit, duke përfshirë një sulm që dëmtoi uzinën bërthamore Natanz në fillim të këtij muaji.

Izraeli ka thënë se do të bëjë "gjithçka që duhet" për të siguruar që Irani të mos ketë armë bërthamore.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close