Në shërbim të askujt...vetëm informacion!

Edhe pak ditë do të mbahet Manifestimi Kulturor “Takimet e Dom Mikelit” në Stubëll…

Gjilan, 30 shtator

dm mikel

  • Edhe pak ditë, në Stubëll të Vitisë, do të mbahet Manifestimi Kulturor e shkencor “Takimet e Dom Mikelit”, i cili manifestim i kushtohet mësuesit të shkollës së parë të kësaj ane të Malësisë së Karadakut, Domi Mikel – Tarabolluzit në Stubëll. Është kjo një festë e madhe për shkollën tonë kombëtare shqipe. Andaj, kjo festë e shkollës shqipe e vitit 1905, shënon një ngjarje tejet me rëndësi historike e kulturore tek ne. Tash e 26 vjet me radhë përkujtohet kjo shkollë e hapur në fshatin Stubëll të Vitisë. Në këtë Manifestim Kulturor të “Dom Mikelit…” do të marrin pjesë shumë qytetarë nga të gjitha trevat shqiptare, si nga: Maqedonia, Shqipëria, Presheva e mese të tjera shqiptare, të cilët do të vijnë e do të mësojnë më shumë për hapjen e shkollës së parë shqipe në Stubëll nga mësuesi Dom Mikeli Tarabolluzi. Qysh tash janë bërë përgaditje për të shënuar këtë ngjarrje të madhe kulturore, e cila, ngjarje po e nderon jo vetëm qytetarët e Stubllës, por edhe qytetarët e komunave tjera të kësaj ane. Manifestimi Kulturor i Dom Mikelit do të mbahet në Qendrën Rinore të këtij fshati. Engjëll Koliqi, njëri ndër organizatorët e kësaj ngjarje kulturore ka thënë se, ky Manifestim tashmë është bërë Tradicional, i cili ka karakter letrar, kulturor e shkencor. “Është edicioni i 26-të me radhë, i cili manifestim kulturor mbahet më 3 tetor (2015) në Stubëll të Epërme të Vitisë. Siç dihet, sivjet ky Manifestim Kulturor trajton temën “110 vjetori i Shkollës së Parë Shqipe Legale në Stubëll”.

Untitled

Pra, është një ngjarje shumë me rëndësi për këtë anë dhe për krejt Kosovën. Pra, këtu do të flitet për hapjen e shkollës së parë shqipe në Stubëll, e cila vatër e parë e dijes, sivjet rrumbullakëson 110 vjet të fillimit të punës së saj legale. Mandej, si shtoi ai, – në kuadër të këtij organizimi do të promovohen dy libra: “Miqtë e mi në amshim” prej Dom Lush Gjergjit dhe “Arbërorët ndërmjet kishës perëndimore e asaj lindore” prej autorit, Gjon Berishës. Kësaj here do të marrë pjesë edhe Jetullah Haliti – Eti, piktor, dajë i Agimit, i cili, poetit ose Qedrës Kulurore në Stubëll do ti dhurojë një piktura nga opusi i tij artistik. Si zakonisht, në këtë manifestim do të mbahet një orë letrare ku do të ndahen çmimi “Agim Ramadani” për tri poezitë më të mira dhe çmimi “Qeshk Ukaj – veteran i arsimit”, ndërsa për programin argëtues do të kujdesen instrumentistët nga Filarmonia e Kosovës dhe Ansambli “Kemajl Azizi” nga Vitia. Manifestimi “Takimet e Dom Mikelit” mbahet që nga viti 1990, duke mbledhur njerëz të të gjitha shtresave dhe fushave të dijes, të artit e të kulturës përgjithësisht dhe nga mbarë hapësira shqiptare.

Tefik Selimi

Leave A Reply

Your email address will not be published.

This site uses Akismet to reduce spam. Learn how your comment data is processed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close