Isa Mustafa (LDK) i ka reaguar Mimoza Kusari-Lila

Kryetari i Lidhjes Demokratike të Kosovës (LDK), Isa Mustafa i ka reaguar kryetares së Alternativës, njëherit edhe deputete në Grupin Parlamentar të Lëvizjes Vetëvendosje, Mimoza Kusari-Lila, që kërkoi largimin e Avdullah Hotit nga posti i kryeministrit, meqë nuk respektoi vendimin e IKSHPK-së që pas testimit të vetëizolohet.

Mustafa deklaratën e Kusari-Lilës ku kërkoi shkarkimin e Hotit e ka quajtur kërcënim, duke thënë se, “të ngrihesh në mëngjes e ta kërcënosh kryeministrin se do të shkarkojmë, pse të ka kapur virusi një ditë më parë, është kanibalizëm politik, një idiotizëm i skajshëm që kapërcen çdo normë njerëzore. A thua kështu i edukojmë fëmijët”.

Ai tutje ka thënë se “strucët e kabinetit qeveritar, këshilltarët, ministrat por edhe bashkëpartiakët e Hotit dhe të tij heshtin meqë siç e quan ai xhelatja Kusari-Lila nuk ua ka përmendur emrin”.

Postimi i plotë:

Miq të nderuar

Është edukatë elementare njerëzore që e kemi kultivuar në familjet tona, të respektojmë të sëmurin. Ta ndihmojmë, t’l japim kurajo ose ta lëmë rehat në telashet e tij.

Të ngritesh në mëngjes e ta kërcënosh Kryeministrin se do të shkarkojmë, pse të ka kapur virusi një ditë më parë, është kanibalizëm politik, një idiotizëm i skajshëm që kapërcen çdo normë njerëzore. A thua kështu i edukojmë fëmijët!!

Strucat e kabinetit qevitar, këshilltarët, ministrat por edhe bashkëpartiakët e Hotit dhe të mitë heshtin, sepse atyre nuk ua ka permendur emrin xhelatja Kusari-Lila dhe se nuk do ti hajë.

Turp!

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close