Policia e Kosovës arreston grupin që falsifikonte pasaporta dhe dokumente

Policia e Kosovës ka kryer të mërkurën një aksioni të gjerë kundër krimit të organizuar.

Prokurorja speciale, Habibe Salihu, ka bërë të ditur se janë kontrolluar 12 lokacione dhe janë arrestuar 9 persona, derisa tre persona të tjerë ishin arrestuar në muajin tetor të vitit 2020.

Florije Hajra zyrtare e Policisë se Kosovës, tha se personat e ndaluar dyshohet se kanë kryer vepra penale të krimit të organizuar, falsifikim të dokumenteve dhe trafikim të njerëzve. Ajo tha se hetimet janë kryer në bashkëpunuar edhe me Agjencinë e Bashkimit Evropian për Sundim të Ligjit (EUROPOL).

“Në të dy këto raste hetimet janë kryer me EUROPOL-in, me Shqipërinë dhe disa shtete të Bashkimit Evropian”, tha Hajra.

Policia tha se operacioni i parë kundër këtij grupi është realizuar më 28 tetor të vitit 2020.

Në 12 lokacionet e kontrolluara gjatë të mërkurës, janë gjetur laboratorë të pajisur me aparatura dhe materiale për prodhimin e dokumenteve të falsifikuara, si pasaporta, kartela identifikimi si dhe dokumente tjera.

Po ashtu, policia theksoi se janë konfiskuar qindra dokumente të falsifikuara si pasaporta, kartela identifikimi, patent-shofer të falsifikuara, të gjitha këto nga më shumë se 16 shtete të ndryshme, kryesisht të vendeve të BE-së.

Të gjithë personat e arrestuar janë shtetas të Republikës së Kosovës dhe me urdhër të prokurorit ndodhen në mbajtje.

 

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close