Në shërbim të askujt...vetëm informacion!

SHBA-ja porosi për Turqinë dhe vendet tjera:Mos bleni armatim rus

Sekretari amerikan i Shtetit, Antony Blinken, paralajmëroi Turqinë dhe të gjithë aleatët e SHBA-së që të përmbahen nga blerja e armatimit rus, pasi në të kundërtën mund të përballen me më shumë sanksione amerikane.

Tensionet mes SHBA-së dhe Turqisë janë përshkallëzuar për një sërë çështjesh, duke nisur nga blerja e sistemeve të mbrojtjes raketore ruse nga ana e Ankarasë, pastaj të drejtat e njeriut dhe njohjen e gjenocidit armen nga ana e presidentit amerikan, Joe Biden.

Vitin e kaluar, Uashingtoni pezulloi Turqinë nga programi i saj i avionëve luftarakë të fshehtë F-35.

Ankaraja nënshkroi marrëveshjen me Moskën më 2017, duke e arsyetuar blerjen me nevojat e saj të sigurisë. Zyrtarët turq kanë thënë se sistemet ruse nuk do të integrohen në infrastrukturën mbrojtëse të NATO-s.

Dorëzimet e katër baterive të para të raketave, nga Rusia në Turqi, filluan në korrik të vitit 2019.

Blinken gjithashtu tha se njohja si gjenocid e masakrës ndaj armenëve nga Perandoria Osmane në vitin 1915, nuk do të duhej të ishte e befasishme duke pasur parasysh pikëpamjet e njohura gjerësisht të presidentit Biden.

Zëdhënësi presidencial i Turqisë tha të dielën deklarata e Biden ishte “thjesht e fyese” dhe se Turqia do të përgjigjej gjatë muajve të ardhshëm.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close