Në shërbim të askujt...vetëm informacion!

Joe Biden rrit kuotën e pranimit të refugjatëve në SHBA

Presidenti amerikan Joe Biden ka rritur zyrtarisht kuotën e pranimit të refugjatëve në Shtetet e Bashkuara në 62.500 për këtë vit, duke cituar “një situatë të paparashikuar dhe urgjente të refugjatëve në botë”.

Ky vendim ka ardhur disa javë pasi Biden është përballur me kritika për vonim të vendimit për të zëvendësuar kuotën tejet të vogël të pranimit të refugjatëve, të prezantuar nga paraardhësi i Bidenit, Donald Trump.

Përmes një deklarate, Biden ka thënë se veprimet e tij “zhdukin shifrën historikisht të ulët prej 15.000 refugjatësh, të vendosur nga administrata e kaluar, e cila nuk ka reflektuar vlerat amerikane si komb që mirëpret dhe mbështet refugjatët”.

Shifrat e reja të pranimit të refugjatëve “dërgojnë mesazh të rëndësishëm se Shtetet e Bashkuara vazhdojnë të jenë strehë e sigurt për disa prej njerëzve më të pambrojtur në botë”, ka thënë Biden përmes një deklarate.

Mirëpo presidenti amerikan e ka pranuar se SHBA-ja nuk do të mund të pranojë 62.500 refugjatë deri në fund të vitit fiskal, që përfundon në fund të muajit shtator, për shkak të pandemisë së koronavirusit dhe kufizimeve tjera.

Për dallim nga sistemi i azilit për migrantët që arrijnë në kufirin amerikan, programi për refugjatët ekziston për njerëzit nga e gjitha bota, përfshirë disa që ikin nga konfliktet.

Aplikacionet e tyre analizohen mirë, para se të hyjnë në Shtetet e Bashkuara.

Në kuotën e re përfshihen 4,000 refugjatë nga Evropa dhe Azia Qendrore, 22,000 nga Afrika, 6,000 nga Azia Lindore, 5,000 nga Amerika Latine dhe Karaibet dhe 13,000 nga Azia Jugore.

Në këtë kuotë do të ketë hapësirë për 12,500 aplikacione, pa përcaktim të territorit.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close