Në shërbim të askujt...vetëm informacion!

Zheljko Komshiq:Kështu u përplasën Vjosa Osmani dhe Aleksandar Vuçiq

Diskutimi midis presidentes së Kosovës, Vjosa Osmani dhe presidentit të Serbisë, Aleksandar Vuçiq e ktheu samitin e “Brdo-Brijumit” në një “tavernë ballkanike”, tha për Radio Sarajevën, anëtari kroat i Presidencës së Bosnjë e Hercegovinë, Zheljko Komshiq.

“Në vend që të paraqitemi para Brukselit në mënyrë që të gjitha vendet në rajon të kenë një pozicion të vetëm që i gjithë rajoni duhet të tërhiqet drejt Bashkimit Evropian, ne disi jemi kthyer në historinë e Ballkanit, për të mos përmendur tavernën ballkanike, kemi trajtuar tema tjera”, tha ai.

Sipas tij, e gjithë historia në lidhje me procesin e “Brdo-Brijunit”, e cila ka zgjatur për dhjetë vjet, është konceptuar ndryshe nga sa doli në takimin e sotëm.

“Sot, ne u gjetëm në çështjet e Ballkanit për shkak të diskutimit, i cili në disa raste nuk ishte shumë i këndshëm, midis Kosovës dhe Serbisë”, tha Komshiq.

Ai vlerësoi se i gjithë diskutimi shkoi në drejtim të gabuar – për të paraqitur pikëpamjet dhe pozicionet politike të presidentes së Kosovës dhe presidentit të Serbisë, të cilat të gjithë i dinë.

Komshiq pretendon se pjesëmarrësit në takim “ranë dakord mbi tekstin e deklaratës, me Kosovën që mbetet të deklarojë disa gjëra me të cilat nuk pajtohet.

“Kosova, për shembull, kërkoi që kur bëhet fjalë për tekstin e deklaratës, nuk ka të bëjë me liberalizimin e vizave për Prishtinën, por për Kosovën, për të cilën Serbia nuk ishte dakord”, tha Komshiq.

Ai shprehu keqardhje që takimi përfundoi në atë mënyrë.

“Shpresoj që pavarësisht nga një fund i tillë, nuk do të ketë pasoja negative në Bruksel kur bëhet fjalë për pretendimet e vendeve të Ballkanit Perëndimor për t’u bashkuar me BE-në”, përfundoi Komshiq.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close