Sulmi kibernetik godet kompaninë më të madhe për përpunimin e mishit

Kompania më e madhe në botë për përpunimin e mishit ishte në shënjestër të një sulmi të sofistikuar kibernetik.

Rrjetet kompjuterike në JBS u pirateruan, duke bërë që disa operacione në Australi, Kanada dhe SHBA të mbyllen përkohësisht.

Kompania beson se sulmi e ka origjinën te një grup kriminal, që ka gjasë të jetë i vendosur në Rusi, tha Shtëpia e Bardhë.

Sipas zëdhënëses Karine Jean-Pierre, Shtëpia e Bardhë “është duke u angazhuar drejtpërdrejt me Qeverinë ruse për këtë çështje”.

Ajo tha se në hetime është përfshirë Byroja Federale e Hetimeve – FBI.

JBS tha se ka bërë “përparim të rëndësishëm” në zgjidhjen e problemit dhe se shpreson se shumica dërrmuese e impianteve të tij do të jenë operacionale gjatë ditës së mërkurë.

JBS është furnizuesi më i madh në botë i mishit, me më shumë se 150 fabrika në 15 vende.

Pesë fabrikat më të mëdha të JBS janë në Shtetet e Bashkuara dhe mbylljet atje kanë ndalur një të pestën e prodhimit të mishit.

Kompania ka mbi 150,000 punëtorë në të gjithë botën.

Muajin e kaluar, karburantet në juglindje të SHBA-së kanë munguar po ashtu për disa ditë, si pasojë e një sulmi kibernetik që kishte në shënjestër tubacionin Colonial.

Hetuesit thanë se edhe ky sulm ishte i lidhur me një grup rus.

 

 

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close