Në shërbim të askujt...vetëm informacion!

UP paralajmëron veprime ligjore pas liturgjisë së djeshme

Për liturgjinë serbe të mbajtur të enjten në Kishën Ortodokse në Prishtinë ka shprehur shqetësimin edhe Universiteti i Prishtinës “Hasan Prishtina”.

Nga UP kanë ftuar akterët e përfshirë në proceset nëpër të cilat po kalon Kosova që t’i kontribuojnë qartësimit të situatës.“Universiteti i Prishtinës ‘Hasan Prishtina’ shpreh shqetësimin e thellë për ceremoninë fetare të organizuar dje nga Kisha Ortodokse Serbe, në objektin e ndërtuar ilegalisht prej ish-regjimi serb në kampusin e UP-së. UP-ja njofton opinionin e gjerë që procesi dhe lokacioni i ndërtimit të këtij objekti janë aktualisht në procedurë kontestimore në Gjykatën Themelore të Prishtinës, prandaj zhvillimin e djeshëm e sheh si tentim të sjelljes së UP-së para aktit të kryer, si dhe tentim për ndikim në procesin gjyqësor. Universiteti i Prishtinës do të ndërmerr të gjitha veprimet e nevojshme ligjore për lirimin e kampusit universitar nga të gjitha objektet e ndërtuara pa leje, ku përfshihet edhe objekti në të cilin është organizuar ceremonia në fjalë. Njëherësh, UP-ja fton të gjithë akterët e përfshirë në proceset nëpër të cilët po kalon Kosova, t’i kontribuojnë qartësimit të kësaj situate, në përputhje me normat ligjore”, thuhet në komunikatën për media nga UP.

Ndërkohë që kanë theksuar se kampusi universitar është i dedikuar për studentë dhe aktivitet akademike. Ndërsa, çdo sjellje që paraqet provokim është i dënueshëm

“UP-ja rithekson edhe një herë qëndrimin që kampusi universitar është i dedikuar vetëm për studentët dhe për aktivitete akademike, si dhe dënon çdo sjellje e cila paraqet provokim për studentët, stafin dhe qytetarët e vendit”, përfundon komunikata.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close