Ministres serbe Tepavçeviq, dhe një grupi të pelegrinëve i’u ndalohet hyrja në Kosovë

Mbrëmjen e së enjtes ministres së Punës në Serbi, Darija Kisiq-Tepavçeviq nuk i është lejuar hyrja në Kosovë. Po ashtu hyrja në Kosovë i është ndaluar një grupi prej 39 pelegrinëve nga Serbia qendrore.

Nga e ashtuquajtura zyra serbe në Kosovë kanë njoftuar se ajo do të vinte në Kosovë në cilësinë e profesoreshës e jo të zyrtares shtetërore të Serbisë.

“Prof. Dr. Kisiç Tepavçeviq në kuadër të aktiviteteve të tijë të rregullta, si profesor i Fakultetit të Mjekësise të Prishtinës me seli në Mitrovicën e Veriut ,duhej të mbante një provim për studentët e vitit të tretë nesër dhe pasnesër, si profesorereshës në Fakultetin e Mjekësisë të Universitetit të Prishtinës me një, në katedren e Epidemiologjisë. Profesoresha Kisić-Tepavčević njoftimin për ardhjen e saj në Kosovë e ka lajmëruar në cilësinë e profesoreshës dhe jo në cilësinë e ministres. Mirëpo, autoritetet në Prishtinë sonte, pa ndonjë shpjegim ose arsye, përmes zyrtarit ndërlidhës të Prishtinës, refuzuan të lejojnë prof. Kisiç-Tepavçevq vizitën e nesërme, të cilën Prishtina në këtë mënyrë brutalisht e pengon të shkojë në punë”, thuhet nga e ashtuquajtura zyra serbe në Kosovë.

Për refuzimin e grupit të pelegrinëve nga kjo zyrë thonë se ishte pashpjegime.

“Në të njëjtën kohë, kërkesa e një grupi prej 39 pelegrinëve nga Serbia qendrore, të cilët donin të vizitonin disa kisha në Kosovë këtë fundjavë, u refuzua pa shpjegime. Kështu, vazhdon shkelja brutale e marrëveshjeve për lirinë e lëvizjes dhe marrëveshjeve për vizitat e rëna dakord dhe nënshkruar në Bruksel midis Beogradit dhe Prishtinës. Me politikën skandaloze të ndalimeve dhe barrierave, Prishtina, kush e di sa herë, demonstron angazhimin e saj anti-civilizim dhe e bën të qartë se kundërshton gjithçka serbe. Është e qartë se politikanët e Prishtinës, të udhëhequr nga Albin Kurti, nuk kanë një argument të vlefshëm me të cilin do të vijnë në tryezën e negociatave në Bruksel javën e ardhshme, kështu që tani ata po përdorin lëvizje të tilla që dëmtojnë drejtpërdrejt dialogun. Bashkimi Evropian, si garantuesi i marrëveshjeve të nënshkruara dhe ndërmjetëses në dialog, nuk duhet të heshtë në lëvizje të tilla të njëanshme nga Prishtina, dhe unë pres reagimin e tyre të qartë”, u tha në komunikatën e zyrës.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close